Руското политичко раководство поставило нов рок за целосно воспоставување контрола врз Доњецката област во Украина, но руската војска смета дека поставената временска рамка е нереална и бара продолжување на рокот, тврди заменик-шефот на Кабинетот на украинскиот претседател, Павло Палиса.
Според Палиса, Кремљ очекува руските сили да ја завршат операцијата и да ја освојат целата Доњецка област до крајот на 2026 година.
Украинскиот функционер тврди дека руската воена команда побарала рокот да биде продолжен до 31 март 2027 година, оценувајќи дека задачата не може да биде реализирана во предвидениот период.
За руските воени планови и причините поради кои досега не биле реализирани, според Палиса, се разговарало и на неодамнешната средба на украинското раководство со американските специјални пратеници Стив Виткоф и Џаред Кушнер, кои се назначени од претседателот на САД, Доналд Трамп.
Во меѓувреме, според анализите на Институтот за проучување на војната (ISW), извор близок до Кремљ тврдел дека мировен договор не би бил можен пред Русија да воспостави контрола врз целата Доњецка област.
Истиот извор наведува дека рускиот претседател Владимир Путин верува оти руските сили можат да ја исполнат оваа цел до крајот на 2026 година.
…
