Земјоделското училиште „Кузман Шапкарев“ денес го претстави успешно реализираниот проект „Зелена еко училница“, проект поддржан преку програмата „Апшифт“ за подобрување на училишната средина, а реализиран од колективот и учениците.
Градоначалникот на Битола Тони Коњановски кој ја посети оваа училница беше информиран дека целта на проектот беше да се создаде простор каде учениците ќе можат да учат, да се дружат и да развиваат еколошка свест во природна средина.
На училиштето и недостасуваше уреден надворешен простор за настава на отворено, практична работа, едукативни активности поврзани со природата и земјоделството и затоа одлучиле да ја изградат оваа зелена еко училница во дворот на училиштето.
Преку овој проект учениците научија и како е да се работи во тим, како да се планираат и реализираат идеите, како да се преземе одговорност, како и тоа колку е важна грижата за животната средина.
Во иднина планираат засадување дополнителни растенија и дрвја, организирање еколошки работилници, поставување информативни табли за растителниот свет.
…
