Рози Мицкоска, сопругата на премиерот Христијан Мицкоски, присуствуваше на приемот што го организираше првата дама на САД, Меланија Трамп, во Њујорк.
На приемот присуствуваа сопруги на шефови на држави и влади чии земји учествуваат на 81. Генерално собрание на Обединетите нации.
Настанот беше организиран во рамки на иницијативата на Меланија Трамп „Заедничко градење на иднината“ (Fostering the Future Together), која е насочена кон поддршка на децата и младите, како и создавање можности за нивниот развој и образование.
Во своето обраќање, Меланија Трамп истакна дека присутните претставуваат различни култури, јазици, истории и традиции, но дека се обединети околу заедничката одговорност кон идните генерации.
„Иднината на нашиот свет ќе биде одредена од она што денес го правиме за нашите деца“, порача првата дама на САД.
…
