Во сабота, 7 ноември, по повод Задушница, СВР Скопје ќе воведе посебен сообраќаен режим кај гробиштата во Бутел, Камник, Драчево и Ѓорче Петров. Кај градските гробишта во Бутел, од 6 часот наутро сообраќајот ќе се одвива еднонасочно, по кружна траса.
- За влез: Возилата ќе се движат по „Бутелска“, ќе свртат лево на „Александар Урдаревски“, потоа лево на „Боца Иванова“ и десно кон влезот на гробиштата.
- За излез: Возилата ќе свртат десно на „Боца Иванова“ и ќе продолжат до кружниот тек на „Бутелска“. Оттаму ќе се движат лево по „Бутелска“, па десно на „Кемал Сејфула“.
МВР ги повикува возачите да ги почитуваат насоките на полициските службеници на улиците опфатени со изменетиот режим.
…
