Uncategorized

ЦИКЛОН СЕ ДВИЖИ КОН МАКЕДОНИЈА: ЗА ВИКЕНДОТ ЌЕ ДОНЕСЕ ГОЛЕМА ПРОМЕНА НА ВРЕМЕТО – ДЕТАЛИ

Во текот на утрешниот ден во државава ќе се задржи променливо облачно време со сончеви периоди. Ќе има услови и за локален краткотраен дожд и ретки грмежи а ќе дува и слаб до умерен ветер од променлив правец. Максималните дневни температури на воздухот ќе се искачуваат во интервалот од 24 до 30 степени.

Во Скопје и околината времето ќе биде променливо облачно со сончеви периоди а ќе има услови и за локален краткотраен дожд. Максималната дневна температура ќе се искачи до околу 27 степени.

Потоа во петок ќе имаме претежно суво време но ќе започне да дува умерен до засилен ветер од јужен и од југозападен правец. Максималните дневни температури ќе се искачуваат во интервалот од 26 до 32 степени.

ГОЛЕМА промена на времето и тоа под влијание на циклонска активност ќе има од сабота, па така во сабота времето ќе биде облачно со врнежи од дожд а ќе дува и умерен до засилен ветер од јужен и од југозападен правец а ќе има и локална појава на нестабилност, проследена со грмежи. Максималните дневни температури во сабота ќе се искачуваат во интервалот само од 15 до 23 степени.

Според моменталните анализи со кој ние располагаме, поради големиот пад на температурите на воздухот и продорот на многу постуден воздух, за време на викендот на највисоките планински врвови не се исклучува можноста да провее и првиот снег за оваа сезона.

За нови, подетални и по потреба обновени метео информации следете го официјалниот фејсбук профил на Славчо Попоски тука

Uncategorized

Нападната девојка во Тетово – Полицијата со брза реакција

На 24.12.2025 во 22:05 часот на ул.,,Маршал Тито“ во Тетово, полициски службеници од СВР Тетово го лишија од слобода А.А.(44) од Скопје, постапувајќи по претходна пријава дека физички ја нападнал 39-годишната Б.С. од Скопје дека додека се движеле со патничко возило на автопатот Скопје-Тетово. Тој е задржан во полициска станица и по документирање на случајот ќе му биде изготвен соодветен поднесок.

Uncategorized

Пожар во куќа во Тетовско – Пожарникарите со брза реакција

На 23.12.2025 во 07:00 часот во СВР Тетово е пријавено дека настанал пожар во куќа, сопственост на Н.Ф.(61) од с.Жеровјане. Пожарот е изгаснат од Територијалната противпожарна единица Тетово, а повредени лица нема. Извршен е увид од увидна екипа од Полициско одделение Жеровјане.

Uncategorized

Турција спречи голем терористички напад пред новогодишните празници

Турските власти уапсија еден од лидерите на ИСИС – Хорасан, Мехмет Горен, познат под името Јахја, со што беа спречени плановите за терористички напади за време на новогодишните прослави.

Според официјалните информации, Горен е главен организатор на самоубиствени напади насочени против цивили во Турција, Европа, Пакистан и Авганистан. Тој бил уапсен во граничната област меѓу Авганистан и Пакистан и префрлен во Турција по сложена операција. Турските разузнавачки служби откриле дека Горен се согласил да изврши самоубиствени напади и се искачил на лидерска позиција по обуката во терористички кампови.

Истовремено, во Анкара е разбиена и мрежа за финансирање на Исламската држава. Обвинителството издаде налози за апсење на 10 лица кои префрлале пари на борци во Сирија преку банкарски дознаки маскирани како „помош за заробени сестри“.