Метео анализа на Славчо Попоски:

Под влијание на циклонска активност со центар над Средоземјето, како и на голема влажна  и многу постудена воздушна маса од север, од утре (Петок 29 Ноември, до ноќта недела кон понеделник, 1/2 Декември), времето во Македонија ќе биде облачно и студено со пообилни врнежи од дожд (локално над 50/60 литри на метар квадратен воден талог), додека на планините  и на повисоките места ќе има врнежи од снег, каде ќе се формира голема снежна покривка.

На планините се очекува да се формира снежна покривка од над 50/60 cм, особено во западната половина од Македонија, додека на повисоките места таа ќе биде со висина од над 30/40 cм. Поради влијанието на студената воздушна маса, особено во западните, југозападните и во северозападните предели од Македонија и во пониските места (градовите) повремено ќе има пообилни врнежи од снег, кој би бил претежно влажен и тежок. Во овие пониски места исто така очекуваме формирање на снежна покривка, понекаде со висина од над 20/30 cм.

НАПОМЕНА: Поради тежината на снегот, особено во градовите во погоре споменатите предели можни се проблеми. На планините ќе има услови и за појава на снежни наноси. Сето ова ќе биде проследено и со ветер од северен и од североисточен правец, кој повремено ќе засилува на интензитет.

Што се однесува до Скопскиот регион, за време на овој период ќе има пообилни врнежи од дожд, а на околните планини, во сабота  и во повисоките предели од котлината врнежите ќе бидат од снег, каде ќе се формира снежна покривка. Во ниските предели од котлината ќе врне претежно дожд, иако во сабота особено рано наутро и претпладне не се исклучува можноста  за појава на лапавица  понекаде  и во пониските делови од котлината, без создавање на некоја снежна покривка.

Апелираме, во случај доколку патувате низ планинските превои, да бидете крајно внимателни поради очекуваните обилни врнежи од снег, и крајно внимателно да управувате со вашите возила.

Што се однесува до температурите, тие значително ќе опаднат, наутро ќе се спуштаат во интервалот од -3 до 5 степени, додека максималните дневни ќе се искачуваат во интервалот од 0 до 6 степени, додека во недела на крајниот југоисток тие ќе се искачат до околу 9 степени. Во Скопје за време на овој период, температурата ќе се искачува во интервалот помеѓу 2 и 5 степени.

Од утре почнуваме со нова фаза во работата на Собранието, ќе одиме прво во Гостивар, а идејата е да одиме во сите општини, за видиме како оди процесот на отварање и функционирање на канцелариите за пратениците, најави претседателот на Собранието Африм Гаши.

Продолжува процесот на отварање на пратеничките канцеларии во општините, минатиот месец беа 28, сега се 32, најави денеска претседателот на Собранието Африм Гаши.

– Од утре почнуваме со нова фаза во работата на Собранието, ќе одиме прво во Гостивар, а идејата е да одиме во сите општини. Собранието оди на терен кај градоначалниците, да видиме како оди процесот на отварање и функционирање на канцелариите за пратениците. Онаму каде што се отворени да ги охрабриме гражаните почесто да ги посетуваат, а онаму каде нема, да придонесеме да се отворат – најави Гаши.

Пратенички канцеларии има во општините: Аеродром, Битола, Берово, Виница, Ресен, Валандово, Гостивар , Гевлелија, Гази Баба, Ѓорче Петров, Карпош, Крушево, Кратово, Кочани, Кисела Вода, Кавадарци, Неготино, Охрид, Петровец, Свети Николе, Радовиш, Маврово Ростуше, Чаир, Македонски Брод и Ново Село.

– Досега не функционираа како што треба, ние сакаме да дадеме дополнителен допринос да профункционираат канцелариите. Мислиме дека ако ние одиме таму ќе направиме сензибилизација и граѓаните ќе знаат каде се канцлариите и ќе ги посетуваат пратениците. Секој петок ќе одиме во некоја општина, во зависност од агендата, затоа што и онака петок е ден во Собранието кој е резервиран за средби со граѓаните – рече Гаши.

Во врска дали ова може да се сфати како кампања со оглед дека сме во предизборна година за локалните избори, Гаши рече дека тоа не е случај и дека посетите ќе продолжат и по изборите.

– Мојата функција во Собранието сум ја презел со голема одговорност и посветеност. Јас не мислам на избори. Ова го правам без калкулации, затоа што мислам дека е добро и за Собранието и за граѓаните – рече Гаши.

Тој информираше и дека е отворен е-регистар на кој можат да се регистрират сите здруженија на гражани и невладини организации.

– Така, за секоја дебата што ќе се случува во Собранието ќе добиваат нотификации и ќе можат да учествуваат во дебатата. Со тоа ја зголемуваме транспарентноста и отвреноста на Собранието. Во текот на ноември се организирани три јавни дебати и една дискусија и, според статсистиките, со ова сме ја надминале бројката за целосен мандат. Досега во цели четиригидипни мандати  немало толку дебати и јавни расправи колку што имавме ние за шест месеци – рече Гаши.

Директорот на ЈП за државни патишта, Коце Трајановски, соопшти дека вечерва се завршуваат градежните активности со поставување на финалниот слој асфалт на главната траса од експресниот пат Страцин – Крива Паланка.

Според Трајановски, зголеменото темпо на работа, заедно со ноќното и зимското асфалтирање со специјални адитиви, овозможило целата должина на главната траса да биде асфалтирана во рекордно краток рок.

„Дополнително, со забрзано темпо се изведуваат градежните активности на пристапните патишта, мостовите и клучките долж целата траса,“ изјави Трајановски, истакнувајќи дека завршувањето на овој инфраструктурен проект е приоритет за поврзување и развој на регионот.