Македонија

Нема К-15 за јавната администрација, Бесими не предвидел пари

Пари за К-15 за јавниот сектор нема. Министерот Бесими вели дека во буџетот за наредната година не е предвидена ваква ставка, но и покрај тоа Владата и ССМ се во преговори за исплата на регрес на сите вработени во јавниот сектор. Според договореното по протестот во неделата, до 20 јануари ќе бидат познати деталите.

Буџетот има пари за помош при плаќањето на сметките за струја за социјално ранливите категории граѓани. 35.000 семејства и 9000 пензионери за оваа намена ќе добиваат по 1000 денари месечно. Преку поддршка на енергетските компании ќе бидат обезбедени и дополнителни количини струја за стопанството за да се ублажи ефектот од високите цени на берза. Како дополнителна поддршка за зголемување на ликвидноста на фирмите, државата ги намалува и увозните давачки за над 250 тарифи. Се работи за суровни кои се користат во фабриките во зоните, во металопреработувачката индустрија, во текстилкиот сектор.

За олеснување на работата на компаниите Владата го подигна и прагот за регистрација за ДДВ обврзник од 2 на 3 милиони денари годишен промет.

Од синдикатот на УПОЗ се револтирани- велат не можат да ја разберат изјавата на министерот, бидејќи правото на регрес за 25.000 вработени во управата и правосудството е утврдено со колективен договор. Ако не ги добијат парите – се закануваат со тужби. Велат го поддржуваат барањето на ССМ регрес да добијат сите 130.000 административци исто како што добиваат вработените во приватниот сектор.

Од синдикатот на УПОЗ велатт дека колективниот договор важи до февруари идната година, а на новите преговори со Владата ќе бараати повеќе права и К-15 не од 9.000 туку од 11.500 денари колку што е во приватниот сектор. ССМ пак со протестот во неделата побара да се потпише општ колективек договор за јавниот сектор со кој ќе се утврди правото на регрес за сите околу 130.000 административци.

Up Next

Кастриот Реџепи: Се ближи денот кога ќе добиеме датум за преговори со ЕУ

Don't Miss

Инцидент со македонското знаме во Приштина

Македонија

Изборот за вршител на функцијата државен јавен обвинител одложен

Советот на јавни обвинители денеска не успеа да избере вршител на должноста државен јавен обвинител, откако пропадна итната седница поради отсуство на еден од членовите. Од Советот уверуваат дека станувало збор за оправдано отсуство.

„Седницата на Советот на јавните обвинители, закажана за 18 декември 2025 година во 11 часот, по предлог на член на Советот, а поради оправдано отсуство на еден од членовите, се одложува за 22 декември 2025 година, понеделник, со почеток во 11 часот“, соопштија од Советот.

Изборот на в.д. државен обвинител требаше да се реализира по итна постапка, откако досегашниот државен обвинител Љупчо Коцевски завчера поднесе неотповиклива оставка во Собранието. Оставката дојде токму на денот кога пратениците требаше да го разгледуваат предлогот за негово разрешување, поднесен од Владата.

По заминувањето на Коцевски, Собранието е обврзано во најкраток можен рок да распише оглас за избор на нов државен обвинител. До тогаш, функцијата ја врши вршител на должност, кој се избира од редот на републичките јавни обвинители, а го именува Советот на јавни обвинители.

Македонија

Ревизијата откри: СДСМ и ДУИ скрија 2 милиони евра во Лотарија на Македонија

Скандалот во Лотарија на Македонија, за што ВМРО-ДПМНЕ обвинува дека милиони евра на граѓаните завршиле во рацете на кадри на ДУИ, додека СДСМ молчело и ги прикривало злоупотребите.

Според извештајот на Државниот завод за ревизија, додека институцијата беше под контрола на лица од СДСМ и ДУИ, се случиле сериозни финансиски неправилности, вклучувајќи злоупотреба на два милиони евра. ВМРО-ДПМНЕ посочува дека одговорните лица – Перпарим Бајрами и Артан Груби – ги фалсификувале и прикривале парите на граѓаните, додека владејачката партија ѝ давала „зелен сигнал“ на ова.

„Јавноста заслужува да знае каде завршиле овие пари и зошто првичниот криминал помина неказнето“, велат од ВМРО-ДПМНЕ. Партијата истакнува дека ова е само врвот на ледената санка, со оглед на долгогодишните злоупотреби во Лотарија и другите државни институции.

Во соопштението се наведува дека СДСМ и ДУИ систематски ги уништувале претпријатијата, празнеле буџети и го ограбувале народот, а со заминувањето на обвинителот Љупчо Коцевски, сега е време за одговорност и казнување на сторителите.

ВМРО-ДПМНЕ повикува на итна проверка на сите трансакции и на јасен одговор кон граѓаните за тоа како и каде завршиле парите од Лотарија.

Македонија

Нестабилно време: Сонце и облаци ќе се менуваат

Денеска времето ќе биде променливо облачно, со повремени сончеви периоди кои ќе го разведрат денот. Претпладне, по одредени котлини, ќе се задржи магла која постепено ќе се повлекува, додека ветерот ќе биде слаб и променлив. Утринските температури ќе се движат од -5 до -1 степен, додека дневните ќе достигнат пријатни 6 до 13 степени.

Во Скопје, променливо облачно со тивок ветер. Претпладне маглата ќе ја покрие дел од котлината, создавајќи мистична утринска сцена. Минималната температура ќе се спушти до -4, а дневната ќе стигне до 6 степени.

Според најавите на УХМР, стабилното време ќе се задржи до понеделник, со претежно тивки услови. На некои места ќе се појави магла и поголема облачност, додека веќе во вторник се очекуваат локални врнежи од дожд.