Каракачанов: Се однесуваат како ние да сме кандидати и ги молиме, а не тие

Каде што европратеникот Ангел Џамбаски застана во навредите за Македонија, таму продолжи неговиот партиски колега од ВМРО-БНД, почесниот претседател Красимир Каракачанов.

„Скопје, очигледно, не сака да го исполни овој договор (за пријателство и добрососедство – н.з.). Смета дека, со оглед на поддршката од неколку меѓународни фактори, Бугарија е должна да клекне. Погледнете ги реакциите на скопските политичари. Тие се однесуваат како ние да сме кандидати и да им се молиме на нив, а не тие. Речиси како да е дојдено прашањето до таму да ни објават војна, бидејќи ние сме некакви уценувачи. Крадците на бугарската историја се во Скопје“, вели Каракачанов.

Ако тој бил на местото на премиерот Кирил Петков, ќе ги прекинел преговорите со Македонија поради непреземање дејства според Договорот.

„Кога ќе бидете подготвени да ги исполните условите или сте ги исполниле, повелете – продолжуваме да разговараме. А не да одиме да се молиме“, додаде Каракачанов.

Албанија ја издаде првата предварителна лиценца за дигитална банка – „JET Bank“ ќе ја отвори новата ера на онлајн банкарството

Надзорниот одбор на Централната банка на Албанија донесе одлука да ѝ додели прелиминарно одобрение за лиценцирање на „JET Bank“ (Фаза I), со што официјално се отвора патот за стартување на банкарски и финансиски услуги во целост управувани по дигитален модел. Албанските медиуми пренесуваат дека ова е прва ваква дозвола издадена во земјата.

„JET Bank“ има амбиција да стане прва банка во Албанија што ќе работи исклучиво преку дигитална платформа, комбинирајќи напредни технолошки решенија со едноставни, сигурни и клиентски ориентирани услуги.

Нивната мисија е да воведат современ пристап во банкарството, насочен кон брзи трансакции, висока безбедност и максимална достапност за корисниците – без потреба од физички филијали.

Со оваа одлука, Албанија прави значаен чекор кон модернизација на финансискиот сектор и позиционирање во регионалниот тренд на дигитализација на банкарските услуги.

Балкан

Авион од Приштина слета надвор од пистата во Истанбул — сите патници евакуирани без повреди

Патнички авион на компанијата AJet, кој летал на релација Приштина–Истанбул, излета од пистата по слетување на аеродромот Sabiha Gökçen International Airport, но, за среќа, сите патници беа безбедно евакуирани и нема пријавено повредени.

Авионот — модел Boeing 737-800 со лет VF102 / TKJ76Q — по слетувањето, при рулирањето, излегол од патеката и запрел на мека земјена подлога покрај пистата. Причина, според авиокомпанијата, биле обилните врнежи кои ја направиле подлогата лизгава.

Според официјалното соопштение од Амбасадата на Република Косово во Турција, сите лица се евакуирани преку надворешни скали — без употреба на итни лизгалки — и мирно ја продолжиле својата патувачка траекторија.

Турските власти привремено ја затворија пистата каде се случи инцидентот, додека трае отстранувањето на авионот и проверка на безбедносната состојба, а надлежните институции започнаа истрага за причините што доведоа до излетувањето.

Иако настанот предизвика вонредни настани и загриженост, на крајот нема загубени животи — што е најважниот исход.

Балкан

Честитка од Македонско друштво “Илинден“-Тирана по повод празникот Свети Климент Охридски

По повод христијанскиот празник Свети Климент Охридски, македонското друштво “Илинден“-Тирана, упати честитка до Архиепископ Охридски и Македонски и на Јустиниана Прима, господин, господин Стефан и до сите Македонци каде и да се.

Од мое лично име, во име на друштвото и на сите Македонци во Албанија упатуваме честитки по повод голем христијански празник, денот на Свети Климент Охридски чудотворец – учителот и просветителот кој е доказ дека љубовта се мери според жртвата. Честитајќи им го празникот на г.г. Стефан, на членовите на Светиот архијерејски синод, на преподобното монаштво и свештенство, и на сите верници посакуваме денот посветен на патронот на МПЦ-ОА да го поминат во добро здравје, стои меѓу другото во честитката, потпишана од претседателот на друштвото Никола Ѓурѓај.

Се додава дека огромна е почитта кон Свети Климент Охридски, кој остави не само големо духовно и просветителско наследство, туку и со личен пример на дело покажа што значи милост, трудољубивост, трпение и солидарност.