Министерството за внатрешни работи утрово добило дојава за бомби во две средни училишта на територијата на Скопје.

Од МВР официјално за случајот велат дека на 08.04.2025 во СВР Скопје од две училишта во Скопје е пријавено дека на електронските адреси добиле дојава за наводно поставена експлозивна направа.

Веднаш биле преземени соодветни мерки и активности, извршени се потребните проверки и утврдено е дека се работи за лажни пријави.

Регионалниот центар за управување со кризи на Град Скопје, по добиеното известување од ЕВН, известува дека поради планирани зафати во електро дистрибутивната мрежа, утре (вторник), без напојување со електрична енергија ќе останат:

-од 09:00 до 11:00 часот, корисниците од дел од ул.. Горно Лисиче во делот од биолеб до половни Автоделови „Алек“. (општина Аеродром)

од 09:30 до 12:30 часот, дел од корисниците од бр.135 до бр.170 на ул.Козле (општина Карпош).

Регионалниот центар за управување со кризи на Град Скопје, по добиеното известување од ЈП Водовод и канализација, известува дека утре (вторник):

– Поради промена на затварач ф 2“ на ул Црвена Скопска Општина бб од 09:00 часот до завршување на интервенцијата, прекинато водоснабдување ќе имаат корисниците од истата улица,министерството за Транспорт и Врски и деловните објекти (општина Центар).

Поради водоводен приклучок од ф 100мм на ул Дренак бр 2а .без вода ке останат корисниците на дел од ул Дренак и дел од Јужен Булевар. Водоснабдувањето ке биде прекинато од 09:00 часот до завршување на интервенцијата (општина Кисела Вода)

– Поради дефект на улична цевка од ф 200мм на ул Славејко Арсов бр 15 .без вода ке останат корисниците на дел од ул Славејко Арсов бр 15.Водоснабдувањето ке биде прекинато од 09:00 часот до завршување на интервенцијата (општина Центар).

– Поради водоводен приклучок од ф 100мм на ул Максим Горки бр 14 .без вода ке останат корисниците на дел од ул Максим Горки. Водоснабдувањето ке биде прекинато од 09:00 часот до завршување на интервенцијата (општина Центар).

Субвенција од 500 денари за секој купен кубик огревно дрво за жителите на Кисела Вода.

Општина Кисела Вода ќе ги субвенционира трошоците за огревно дрво за своите жители. Сите граѓани кои ќе купат дрва за огрев во периодот од 1 април 2025 до 31 октомври 2025 година, можат да аплицираат на јавниот повик за добивање на поврат на средства, до исцрпување на предвидениот буџет од 1.200.000 денари.

– Субвенцијата изнесува 500 денари за секој купен кубен метар огревно дрво. Оваа сума се однесува за купени до 10 кубици дрва, или 350 денари за секој купен просторен метар дрва, за максимум до 14 просторни метри. Право на учество имаат сите жители на Општина Кисела Вода кои ќе достават валидна документација и ќе ги исполнат критериумите. Апликациите се поднесуваат во затворен плик преку Архивата на општината, по принципот „прв дојден – прв услужен – велат од општина Кисела Вода.

Јавниот повик трае до 31 октомври 2025 година или до исцрпување на средствата. Информациите се достапни и преку локалните месни заедници. За дополнителни информации, граѓаните можат да се обратат на тел: 02 2785-427

– Континуирано покажуваме дека Општина Кисела Вода вистински се грижи за граѓаните. Затоа повторно обезбедуваме субвенции за огревно дрво, со цел финансиски да им помогнеме на нашите сограѓани кои го користат овој енергенс за загревање. Покрај оваа мерка, ќе ги продолжиме субвенциите за пелети и печки на пелети, за енергетска обнова на фасади, а од годинава субвенции имаме и за пензионери со ниски пензии, како и субвенции за возачки дозволи за сите матуранти. Наскоро ќе излеземе и со нов сет мерки со кои дополнително ќе го олесниме секојдневието на нашите граѓани – изјави градоначалникот Орце Ѓорѓиевски.

Извор: Вечер