СВР Тетово информираше дека денеска биле приведени две лица кои се заканувале на вработен во Општина Тетово. Според СВР Тетово, лицата се осомничени за кривично дело „загрозување сигурност“.

-Денес (05-ноември) на улица „ЈНА“ во објектот на општина Тетово, полициски службеници од СВР Тетово ги лишиле од слобода К.И.(34) и А.А(38), двајцата од Тетово, поради основано сомнение дека извршиле кривично дело „загрозување на сигурност“ по член 144 од Кривичниот законик. Според пријавеното, тие околу 14.20 часот се заканувале на Л.М., вработен во општина Тетово.Тие се задржани во полициска станица, информираше Фатмир Реџепи, портпарол на СВР Тетово.

По целосно документирање на случајот, против нив ќе следува соодветен поднесок.

Вицепремиерот Изет Меџити во врска со политичките случувања во државата и потребата за одржување на предвремени парламентарни избори заедно со локалните избори во текот на 2025 година истакна дека не гледа никаква потреба од одржување на двојни избори.

Според Меџити Владата има амбициозна Програма пред себе и за тоа има добиено поддршка од 78 пратеници, кои за брзо може да станат и 80 пратеници.

Меџити потенцира дека ВРЕДИ не стравува од избори, но мисли дека овие теми се дневна политика за задржување на вниманието на членството на ДУИ кое секојдневно ги напушта.

Во оваа прилика претседателот на Демократско движење Изет Меџити истакна: „Полека но сигурно Европскиот фронт почнува да се расцепкува. Едниот лево, другиот десно. Активностите ги прават поединечно. ДУИ на една страна, ДПА некаде, Алијанса на друга страна. На пресовите се поделини и кога излегуваат во јавност не знаат како тоа да се прикаже дали како Европски фронт или како политички партии.“

Вицепремиерот Изет Меџити во гостување во дневникот на Сител телевизија изјави дека Владата им излегла во пресрет на сите 80 општини за финансирање на проекти од интерес на граѓаните, безразлика на партиската припадност на градоначалниците. Во оваа прилика на прашањето за дали постои фаворизирање на своите градоначалници на општини изјави:

„ Влен има 4 општини, 10 ги има ДУИ. Сите 10 од ДУИ беа добитници. Имаа проблем само Сарај и Теарце, им дадовме дополнителен рок и тие да добијат. 10 други општини добиле. Струга, Кичево, Пласница, Кичево, Липково, Арачиново.“

Дополнително Вицепремиерот истакна дека од 80 општини, 76 завршиле со постапката и на 4 им е оставен простор дополнитено да достават документација.