Унгарскиот премиер  изјави дека Европската унија не може да си дозволи да ги финансира воените напори на Украина, особено затоа што американската финансиска помош повеќе не е загарантирана.

Изјавата доaѓa откако лидерите на 26 земји од ЕУ потпишаа заедничка декларација за поддршка на Киев – без учество на Унгарија, пренесува „Ројтерс“.

Орбан, кој се смета за сојузник на претседателот Доналд Трамп и има блиски врски со Москва, најави дека унгарската влада ќе започне „јавна консултација“ за евентуалниот пристап на Украина во ЕУ во следните недели.

Од почетокот на војната, Виктор Орбан одбива да обезбеди воена помош за Украина и редовно ги блокира или одложува европските иницијативи поврзани со поддршката за Киев.

Тој повика на „итен прекин на огнот и мировни разговори“, критикувајќи го пристапот на ЕУ за зголемување на воената поддршка.

Тој исто така истакна дека безбедноста на Европа не треба да зависи од конфликтот во Украина, а приоритет треба да бидат економските и енергетските интереси на земјите-членки.

Портпаролот на рускиот претседател, Дмитриј Песков, изјави дека Русија би можела да преземе мерки поради, како што ја нарече, милитаризација на Европската унија. Ова го пренесе руската новинска агенција РИА Новости.

„Оваа милитаризација е насочена главно против Русија. Ова несомнено предизвикува сериозна загриженост и би можело да создаде потреба од преземање соодветни мерки за заштита на нашата безбедност“, изјави Песков, одговарајќи на прашањето за плановите на ЕУ да ја засили својата одбранбена индустрија.

Овие изјави следуваат по предлогот на претседателката на Европската комисија, Урсула фон дер Лајен, која предложи да се соберат 800 милијарди евра за финансирање на планот за повторно вооружување на Европа. Лидерите на ЕУ ја поддржаа оваа идеја на вонредниот самит во Брисел, а дел од средствата ќе бидат искористени за воено снабдување на Украина.

Песков нагласи дека Русија внимателно го следи развојот на европскиот одбранбен сектор и додаде дека милитаризацијата на ЕУ „не е во согласност со напорите за мирно решавање на конфликтот во Украина“.

Тој исто така ги коментираше тековните дискусии за европското нуклеарно оружје, особено откако францускиот претседател Емануел Макрон изјави дека Франција е подготвена да го стави својот „нуклеарен чадор“ во служба на европската безбедност.

„Согласно изјавата на Макрон, сега е уште поважно да се земат предвид европските нуклеарни арсенали. Некои европски земји, колку што слушнавме, веќе ја поддржаа оваа идеја“, додаде Песков.

Во однос на контрола на оружје, Песков истакна дека во моментов нема конкретни преговори помеѓу Русија и САД, и дека не се знае кога тие би можеле да започнат. Тој додаде дека се чека позицијата на Кина за ова прашање.

Песков ги коментираше и нападите врз енергетските објекти поврзани со украинската воена индустрија, нагласувајќи дека тие не се одговор на предлозите на Макрон за делумен прекин на огнот, туку дел од руската инвазија на Украина.

Тој повтори дека руската позиција, како што веќе изјави претседателот Владимир Путин, е дека основата за евентуален мировен договор може да бидат т.н. Истанбулски договори.

„Постигнувањето на нашите цели преку политички и дипломатски средства е приоритет. Но, во услови кога Украина го отфрла дијалогот и дури го забранува законски, ние продолжуваме со специјалната воена операција за заштита на нашите интереси“, заклучи Песков.

Едно лице загина, а три се повредени при уривање на мост на автопат во близина на градот Ла Лувиер, на југот на Белгија, соопштија властите.

Градоначалникот Жак Гобер за новинската агенција Ројтерс изјави дека работник кој бил хоспитализиран во критична состојба им подлегнал на повредите.

Тројца други колеги се повредени кога дел од челичниот мост се урна врз шлеп кој бил закотвен на местото за отстранување на остатоците.

Derrumbe puente de La Louvière, Bélgica.#Lalouvière #Belgium #Belgica #puente #Accidente pic.twitter.com/YDe4fOVeJx

— BryStt (@bry_stt) March 6, 2025

Според белгиската агенција Белга, во моментот на уривањето на мостот работеле дванаесет лица.

Несреќата се случила на мост на автопатот Е42 кој поминува низ канал во близина на градот Ла Лувиер во Белгија.

Dnes se v belgickém městě La Louvière při demoličních pracích zřítil most přes kanál Centre a spadl na vnitrozemské plavidlo, které čekalo na naložení trosek. pic.twitter.com/dkkpa0k53C

— Patrik (@Patriksailor) March 6, 2025