Македонија

Не си ги зголемивме сами платите – Уставен суд ни ги зголеми

Published

2 years ago

May 23, 2023

Она што се зборуваше на Економскиот совет е платите на функционерите да се намалат. Но исто треба да биде јасно дека платите на функционерите не сезголемија самите, туку тоа го стори Уставниот суд“, рече министерката за труд и социјална работа Јована Тренчевска во емисијата „24 анализа“.

„Одлуките на Уставен суд мора да се почитуваат. Досега зедовме една зголемена плата. Ќе најдеме решение за оваа ситуација и тоа ќе биде решение за сите работници, вклучително и функционерите, и тоа ќе биде системско решение“, рече таа.

Професорот Лазар Јовески коментира дека е неетички работниците да добијат зголемување на платите до 2028 година додека функционерите веќе имаат зголемена плата.

– Револтот кај сите вработени е голем, а другите вработени се чувствуваат понижено, вели тој, додавајќи дека еден професор има плата од 30 илјади денари, која сукцесивно се зголемува минимално.

„Ние како Влада сме расположени да разговараме и да преговараме со работниците за платите“, рече на ова Тренчевска.

Според професорот Јовески, овој проблем кој предизвика револт во јавноста, треба да се реши со закон со „европско знаменце“. Тој го посочува примерот со Шведска каде соодносот меѓу најниската и највисоката плата е 1 спрема 5 (што кај нас би значело дека никој во државната служба не би требало да зема плата повисока од 100-на илјади денари).

Related Topics:плата плати уставенсуд

Up Next

Ученици од Македонија туркаат автобус на екскурзија за да тргне (Видео)

Don't Miss

Последната желба на Ферус сепак нема да биде исполнета

Македонија

Полицијата сè уште трага по возачот на автомобилот што вчера падна во Вардар

Published

46 mins ago

January 3, 2025

Арлингтон

Полицијата сè уште трага по уште едно лице од вчерашната сообраќајка кај село Рашче кога автомобил излета од патот и падна во Вардар. Се работи за четвртото лице што во моментот на несреќата се наоѓало во автомобилот, и кое, според исказите на роднините, го управувало возилото.

Од Министерството за внатрешни работи (МВР) утринава информираа дека вчеравечер во 21:05 часот екипи на Специјалната антитерористичка единица „Тигар“ од водите на Вардар го извлекле возилото марка „ауди“ во кое биле пронајдени три починати лица. Како што вчера информираа од ЦУК, станува збор за за три женски лица.

Во автомобилот се наоѓало и 4-годишно дете кое излетало од возилото пред тоа да падне во реката. Тоа е во стабилна состојба. Од МВР соопштија дека детето било пронајдено од случајни минувачи кои го однеле на Клиниката за хируршки болести „Св. Наум Охридски“, а оттаму е пренесено во Клиничкиот центар.

Македонија

Извлечено возилото од Вардар: Пронајдени тела на три лица, потрагата по четвртото продолжува

Published

13 hours ago

January 2, 2025

Арлингтон

Од Центарот за управување со кризи (ЦУК) информираат дека автомобилот кој излета во Вардар е извлечен. Во него биле пронајдени тела на три лица.

-Возилото кое излета во Вардар во близина с. Рашче е извлечено. Од него се извадени телата на три лица. Потрагата по четвртото лице продолжува, велат од ЦУК.

Во автомобилот било и четиригодишно дете кое е спасено од случајни минувачи и е пренесено во клиниката за детска хирургија.

Македонија

Хорор во Блок 70: Татко си го убил сопствениот син

Published

14 hours ago

January 2, 2025

Арлингтон

Татко си го убил сопствениот синот вечерва во Тетово, објавија повеќе локални медиуми.

Според нив, се работи за македонско семејство кое живеело во населбата Блок 70.

Според првите информации се работи за семејна тепачка која завршила со убиство, таткото го убил синот.

Како што дознаваат медиумите, таткото во тешка психолошка состојба е пренесен во тетовската болница.

Денеска (02.01.2025) околу 18.50 часот во Тетово, во неговиот дом бил пронајден С.Н.(39) без знаци на живот, со прострелна рана во главата. С.Н. живеел со неговиот татко, кој бил пронајден во бессознание и од Итна медицинска помош бил пренесен во Ургентен центар Тетово. Во просторијата каде бил пронајден С.Н., пронајдена е ловачка пушка. Во координација со јавен обвинител се преземаат мерки за расчистување на случајот.
СВР Тетово

Извор: 24инфо.мк