Жена загина во скопската неселба Чаир, кога во неа удрил автомобил со скопски регистерски ознаки.

Според информациите од СВР Скопје за „Макфакс“, несреќата била пријавена во 18.43 часот на булеварот Христијан Тодорвски-Карпош.

Засега нема информации за возраста на жената и околностите за несреќата.

На лице место присутни се припадници на полицијата и екипи на Итната помош.

Во тек е увид.

Во гостување на „Само интервју“ на Канал 5 кај Гоце Михајловски, градоначалникот на Кисела Вода, Орце Ѓорѓиевски; зборуваше за предизвиците во јавниот превоз во Скопје, идните локални избори и лошото менаџирање на актуелната градоначалничка на Скопје, Данела Арсовска.
„Во Кисела Вода најголем дел од одлуките поминуват едногласно. Имам сериозно мнозинство но и пратеници од другите партии. Со тие советници, треба да имате постојана комуникација. Честопати и надвор од она што сум го планирал, знам да прифатам идеи од другите групи. Не може деспотски да се однесувате кон некој што е избран од граѓѓаните, како Данела Арсовска. Комункацијата е двосмерна улица и не може да обвинувате некој. Ако советот е виновен, Арсовска има голема вина поради нејзиниот однос кон него. Да се изживувате со луѓе кои имаат семејство, да ги бркате од работа, да ги навредувате. Треба да имаме доблест, ако не не’ бива за некоја работа, треба да знаеме кога да се повлечеме. Не се измачува таа себе, го измачува целиот народ заедно со себе.“ рече Ѓорѓиевски, запрашан за односите помеѓу Советот на Градот и градоначалничката.

Човекот кој вчера попладне го спасуваа пожарникари од под Камениот мост се фрлил во Вардар за да избега од полицијата.

„Слободен печат“ вчера објави видео од спасувачката акција на Камениот мост на кое се гледаше како човек гол до појас се нашол на еден од столбовите на мостот, отсечен од копното.

Според информациите на „Слободен печат“ од Министерството за внатрешни работи, човекот се нашол таму откако полицајци од интервентната единица го забележале како врши „дрска кражба“, односно како и крадe чанта на жена. За да се спаси од полицијата човекот скокнал во Вардар, но потоа останал заглавен на еден од столбовите.

Пожарникари донесоа скала за да го извлечат човекот на копно, а полицијата потоа го привела. Но, морала да го пушти затоа што кај него не било најдено ништо, а жената која била жртва, воопшто не го пријавила обидот за кражба во полиција.