Американскиот претседател Доналд Трамп изјави дека постои можност Украина да не ја преживее војната против Русија, дури и ако САД продолжат со испорака на помош за Киев. Во интервју за Фокс њуз, тој истакна дека САД имаат „одредени слабости“ кога станува збор за Русија.

„Потребни се двајца за тоа. Оваа војна не требаше да се случи, а сега сме заглавени во хаос“, изјави Трамп.

Тој додаде дека украинскиот претседател Володимир Зеленски ја примал помошта од САД во време на Џозеф Бајден „како бонбони од бебе“, а со промена на политиката, тие „бонбони“ биле земени. Трамп потврди дека Зеленски бил „неблагодарен“ за време на разговорите во Белата куќа во февруари, што завршиле со размена на остри зборови.

Кога беше запрашан да одговори на критиките дека намалува политички притисок врз Русија, Трамп одговори дека „никој не бил построг кон Русија од Доналд Трамп“. Тој додаде дека САД „речиси“ го прекинале замрзнувањето на размената на разузнавачки информации со Украина и дека очекува позитивни резултати од претстојните разговори со украинските претставници во Саудиска Арабија.

Американскиот претседател тврди дека САД досега биле ограбувани бидејќи нивните граѓа и млечни производи биле царинети со истата царинска стапка од северниот сосед.

Само еден ден по продолжувањето на воведувањето царини од 25% за сите канадски производи за еден месец, американскиот претседател Доналд Трамп повторно ѝ се закани на Канада со царини за граѓа и млечни производи.

– Канада ни краде граѓа и млечни производи со години – рече Трамп кон крајот на минатата недела, потсетувајќи дека Канада има царина од 250% за американските млечни производи.

Тој најави и дека наскоро ќе воведе царини од 250% за истата стока.

-Ќе наплатиме иста сума. Не е фер. Никогаш не било фер и лошо се однесувале со нашите земјоделци – додава тој.

Канадската министерка за трговија Мери Нг ги негираше наводите на Трамп, велејќи дека не е точно дека Канада краде од САД. Таа оцени дека американските реципрочни царини би биле целосно неоправдани.
Последните најави на Трамп се уште еден удар за инвеститорите, компаниите и потрошувачите, иако неговата најава на 6 март дека ќе чека уште еден месец со царината од 25% за ите канадски производи беше олеснување за многу индустрии, особено автомобилскиот и земјоделскиот сектор, пишува Си-Ен-Ен.

Старлинк никогаш нема да ги исклучи своите терминали во Украина, изјави синоќа на „Икс“ Илон Маск. Изјавата предизвика коментари од полскиот министер за надворешни работи Радослав Сикорски.

Изјавата на Маск доаѓа по претходно изнесени многу поразлични ставови во однос на војната во Украина од оние на властите во Киев.

-Никогаш не би го направиле тоа и никогаш не би ја искористиле Украина како монета за поткусуруање, изјави Маск. Сикорски на ова одговори дека Полска платила за употребата на Старлинк во Украина и заканата да биде исклучена оваа сателитска мрежа ќе значи дека тие ќе бараат друга.

Државниот секретар Марко Рубио са надоврза на оваа изјава со ставот дека „никој не се заканил дека ќе ја исклучи Украина од Старлинк“.

-И кажете благодарам, затоа што без Старлинк Украина одамна би ја изгубила војната, а Русите сега ќе беа на границата со Полска“, му одговори Рубио на Сикорски. Маск потврди декај коментарот на Рубио бил „апсолутно точен“ и го нарече Сикорски „мал човек“.

Овие коментари го натераа полскиот премиер Доналд Туск да ги повика сојузниците да покажат респект кон помалите парнери а не ароганција.

Од Белата куќа претходно потврдија дека информациите за исклучувањето на Старлинк во Украина се лажни.