Премиерот Христијан Мицкоски не очекува да има турбуленции и позначителни потреси на пазарот со електрична енергија во земјава и покрај најавите на некои европски земји дека очекуваат проблеми во текот на зимата.

– Што се однесува до турбуленции на пазарот на електрична енергија во Европа, јас бев меѓу првите уште летоска којшто зборуваше дека како ќе доаѓа зимата, така ќе има потреби да се влече енергија од пазарот во Европа од страна на Украина, бидејќи за жал таму поради руската агресија е целосно уништен електроенергетскиот систем на државата. Сето ова ќе влијае во насока на зголемување на цените на електричната енергија на берзите – рече Мицкоски во одговор на новинарско прашање по поставувањето камен-темелник на новото основно училиште „Крсте Мисирков“ во скопската населба Ченто.

Тој додаде дека сепак не очекува да има некои позначителни потреси на пазарот во земјава.

– Од она со кое што располагам како информација, на почетокот на грејната сезона имаме за повеќе од два и пол пати помалку дефекти од она кое што било по принципот како до сега. Она што го имаме како располагање на ресурс во РЕК Битола и во другите електрани е на нивото очекувано за овој период од годината. За жал, хидрологијата е намалена, некаде околу 22-23%, можеби требаше да биде над 30 во овој период но таква беше годината – сушна. Ценам дека капацитетите со коишто располага државата подготвени ќе ја дочекаат и ја дочекаа оваа грејна сезона и не очекувам да имаме некои позначителни потреси на пазарот – рече Мицкоски.

Сега, како што кажа, работат двата блока во РЕК Битола, бидејќи нема потреба за повеќе, а од втора половина на декември ќе биде вклучен по потреба и третиот блок.

За ветувањето дека ќе се укине давачката за пристап од 200 денари на сметките за потрошена електрична енергија за граѓаните, рече дека ќе биде укината во текот на мандатот на оваа Влада.

– Во овој момент работиме на консолидирање на електроенергетскиот сектор и мислам дека Регулаторната комисија за енергетика ги прави пресметките. Кога тие ќе бидат готови ќе донесеме одлука која што е најважна и најдобра за граѓаните – рече Мицкоски.

Во насока на консолидација, како што посочи, е и одлуката да не се префрлаат пари на АД ЕСМ, туку самата компанија преку кредит да си ги плати старите долгови.

– Пари на Државни електрани се префрлувале. Поентата е сега со работењето на ова раководство да се консолидира компанијата и помалку да се префрлаат. Тоа е суштината. Кредитот којшто е земен е за да ги плати старите долгови наследени од претходното раководство во големина од 5 милијарди денари и тоа се средства коишто се наследени од претходно. Заемот е земен по исклучително поволни услови, ќе има и грејс период од две-три години, доволен период за да може компанијата да се консолидира. Ние продолжуваме да работиме во насока на консолидирање на јавниот сектор и државата од она кое што е наследено од претходната влада на СДСМ и ДУИ и добро е што полека но сигурно се консолидира сето ова – потенцира Мицкоски.

Големите „џамбо“ приказни вредат да се создадат, споделат, развијат, уживаат

Гевгелија, 16.10.2024 – Модерните метрополи не можат да се замислат без квалитетно шопинг искуство, преточено во практична форма со ударна локација на локалците па и туристите во државата. Во Македонија град со најмногу молови е Скопје, но и останатите помали градови полека, или веќе со забрзано темпо, бележат развој во секторот, којшто придонесува и за подобрување на економскиот развој во соодветните реони, како и за продлабочена и проширена соработка во повеќе градови со бројни препознатливи светски, регионални и локални брендови од различни индустрии.

Југот во државата има огромен потенцијал за нови шопинг искуства, а воедно и потреба за развивање на една нова мол приказна. Најударната јужна точка во државата, која е пресвртница и за македонскиот народ, но и за сите туристи кои поминуваат низ државата најчесто преку граничниот премин Богородица, за влез и излез во земјава, е Гевгелија и гевгелискиот регион.

Со најава за нешто уникатно и модерно и официјално се најавува отворањето на една нова „џамбо“ приказна на југот – ГЕВГЕЛИЈА МОЛ (Gevgelija Mall), со која покрај другото ќе ги отвори вратите на најголемото Џамбо (Jumbo) во Македонија, во склоп на молот, распространето на 3.500 м2.

Од сопственичката структура најавуваат дека отворањето е проектирано да се реализира идното лето во 2025 година, а сите детали секако ќе бидат споделени со јавноста дополнително.

„Развојот на југот е неизоставен дел од економскиот раст во Македонија и секој модерен претприемач треба да е свесен за истото доколку цели кон успеси кои можат да се носат со модерното темпо на една нова бизнис приказна. Визијата за креирање нешто уникатно, големо и модерно и вон главниот град беше една од главните причини за создавањето на новата мол приказна во гевгелискиот регион насловена како Гевгелија Мол. Нестрпливи сме за помалку од една година и на македонската јавност, како и на сите туристи во државата да го претставиме Гевгелија Мол, којшто ќе биде распространет на четири нивоа во склоп на 10.000 м2, во склоп на којшто ќе биде вклопен и фришоп од околу 1.000 м2. Оваа нова мол приказна само што започнува, а ветува многу и за посетителите како и за сите идни закупци во склоп на Гевгелија Мол,“ изјави Марјан Николовски, сопственик на Монополист Инвест од Гевгелија, која како компанија воедно е единствен самостоен инвеститор на овој проект.

Насмевките дефинитивно ќе бидат неизбежни следното лето во Гевгелија Мол којшто ќе биде лоциран во близина на Скај Хотел во Гевгелија во непосредна близина на граничниот премин Богородица на самиот автопат.

За сите новости следете го Гевгелија Мол на социјалните мрежи: 

Instagram: https://www.instagram.com/gevgelijamall

Facebook page: https://www.facebook.com/GevgelijaMall

LinkedIn:https://www.linkedin.com/company/gevgelija-mall

YouTube: https://www.youtube.com/@GevgelijaMall

До крајот на годината нема да има дополнителен попладневен час на евтина тарифа за електричната енергија за домаќинствата, ова го соопшти денес претседателот на Регулаторната комисија Марко Бислимовски.

Иако во јавноста долго време се зборуваше за воведување на уште еден час од 13.00 до 16.00 часот наместо да биде како до сега до 15 часот, Бислимовки вели дека ако се направи тоа тогаш ќе треба да се скратат 2 часа од евтината тарифа навечер.

„Анализите покажаа дека цените на берзата се евтини во периодот од 12.00 до 16.00 часот и може да се воведат дури четири часа евтина попладневна тарифа, наместо два како досега, но проблемот е во тоа што ноќните цени на берзата сега се многу високи и ќе треба да ја укинеме евтината струја од 22.00 до 00.00 часот, а луѓето веќе имаат стекнато свои навики и не сакаме да предизвикаме револт“, рече Бислимовски.

Овој статус ќе остане до крајот на годината, а понатаму повторно ќе се разговара со ЕСМ и со ЕВН, најави првиот човек на РКЕ.