Бизнис
Тему“ добива на популарност кај македонските купувачи, но има и слаби страни
Десетици илјади пратки од кинескиот гигант за е-трговија „Тему“ се испорачуваат секојдневно до македонските граѓани. Директорот на приватната пошта „Еко логистик сервис“, Игор Гешовски, за Гласот на Америка на македонски вели дека очекува нарачките од оваа кинеска платформа во идниот период да се зголемуваат.
„Македонија традиционално е доста посветена на купување на пратки од Кина, тоа е од периодот од претходно кога беше присутен само „Али експрес“ на овие пазари. Веќе една година се дистрибуира во Србија, таму е бум, има повеќе нивоа на купувања на „Тему“, ние сме во почетната фаза, таа што е до 22 евра. И натаму ќе следи зголемување на обемот затоа што ќе расте и побарувачката на пазарот со разни видови на стоки, повредни стоки, дури ќе одат и во покуќнина и техника, тоа е тренд сегде, тие влегоа прво во западниот свет и направија огромни резултати, имаат систем кој едноставно им дава примамливост на купувачите“, вели Игор Гешовски, сопственик на „Еко логистик сервис“.
Гешовски смета дека Северна Македонија и регионот се „неквалификувано“ потрошувачко општество со високо ниво на бирократија која претставува кочница за трговска размена. Државата треба да учи лекции од Кина, вели тој.
„Западот спие во моментов, бидејќи ние сме мало општество, мала економија, не само Македонија туку и регионот и тие веројатно поради тие бирократски бариери до сега не влегоа. Тоа умешно го искористија Кинезите и направија бум… Ние мора да ја научиме лекцијата од Кина, која станува супер сила во продажба на интернет и иднината веројатно е таму, ако ме прашате дали ќе се развива ова или ќе има стагнација“, додава Гешовски.
Ние мора да ја научиме лекцијата од Кина, која станува супер сила во продажба на интернет и иднината веројатно е таму
– Игор Гешовски, сопственик на „Еко логистик сервис“
Конкурентните цени, разновидниот асортиман на производи, но и интензивните маркетинг кампањи што „Тему“ го чинеше повеќе од 2 милијарди долари за рекламирање на Мета ѝ овозможија на оваа кинеска компанија значително навлегување на западните пазари.
Од Сојузот на стопански комори на Македонија велат дека онлајн нарачките ја намалуваат продажбата на домашните производители и продавачи. Потребно е прилагодување на новите начини на пазарање, вели Орце Симов, претседател на Комората за информатичко-комуникациска технологија.
„Ваквите кинески онлајн платформи се доста популарни во целиот свет и Кина со Македонија има огромна размена и диспаритетот на извоз и увоз со Кина е огромен и е неповолен за Македонија. Тој однос е некаде 1 спрема 20. Ние увезуваме од Кина производи во вредност од над милијарда евра, а извозот е само педесетина милиони евра. Значи, односот е многу неповолен за нас и ние во трговската размена со Кина правиме голем дефицит. Меѓутоа, ние треба да се прилагодуваме на сите овие состојби затоа што интернетот, глобализацијата, овозможуваат поголема мобилност, плаќањата се олеснети, може едноставно да се плаќа на такви платформи, производите се доста евтини и се атрактивни за македонските купувачи“, изјави Симов.
Пазарањето онлајн носи и ризици, а од Организацијата на потрошувачите на Македонија (ОПМ) предупредуваат дека граѓаните треба да бидат многу внимателни при пазарењето оти нарачуваат на сопствен ризик.
„Доколку имаат некој проблем тогаш тие си се обраќаат до самиот трговец бидејќи таму има некои форми, платформи каде што може да се приговара, да се вратат парите, да се замени производот, комуницираат директно со трговецот кој што, сепак, мора да кажеме не е регистриран во Македонија и доколку не успеете да се договорите со него – иако тврдат дека можат, дека ги заменуваат производите, им ги враќаат парите во одредени случаи – во тој случај повторно треба да се свесни потрошувачите дека и овие трговци не се регистрирани во Македонија туку се некаде надвор во странство и во тој случај не можат да бараат да си ги остварат своите права согласно Законот за потрошувачи или потрошувачките права кои би ги имале доколку купуваат од домашни компании“, вели Татјана Тасевска, правна советничка во Организацијата на потрошувачите на Македонија (ОПМ).
За да ги заштити малите и средните бизниси во земјата од евтините производи што ги нуди „Тему“, Индонезија ја забрани оваа платформа. Ваквиот потег го следеше и Виетнам кој го суспендира работењето на овој кинески онлајн трговец откако „Тему“ не го исполни владиниот рок да ја регистрира компанијата до крајот на ноември.
Од македонската Царинска управа велат дека секоја стока што се купува преку интернет при влез на царинското подрачје во државата мора да ги следат и почитуваат царинските прописи.
„Севкупната странска стока што влегува во нашето царинско подрачје подлежи на царинска контрола. Така што и оваа стока подлежи на царинска контрола со тоа што согласно нашите прописи стоката која што е со вредност до 22 евра во денарска противвредност е ослободена од плаќање на увозни давачки и ДДВ, стоката над 22 евра до 90 евра во денарска противвредност плаќа само ДДВ, додека стоката која што е со вредност над 90 евра подлежи на целосна царинска постапка со плаќање на сите увозни давачки“, рече Марјан Тасевски, помошник директор на Сектор за царински систем, Царинска управа.
Платформата „Тему“ е основана во 2022 година во САД како подружница на ПДД Холдингс, чија што матична компанија Пиндуодуо е со седиште во Кина. Оваа платформа беше под лупа на САД откако во извештајот на Конгресот од минатата година компанијата беше обвинета дека не успеала да спречи да се продаваат стоки направени со принудна работа.
Бизнис
Божиновска од Атина: Македонија не е повеќе пасивен набљудувач – инвестираме, поврзуваме и градиме независен енергетски систем кој ќе ја зајакне стабилноста на целиот регион
Министерката за енергетика, рударство и минерални ресурси Сања Божиновска, учествуваше на Енергетскиот самит во Атина, Грција, каде што беше говорник на панелот со наслов „Енергетската голема игра – Геополитика и глобалниот енергетски пазар“.
Во своето обраќање, министерката Божиновска истакна дека енергијата не е само економски сектор, туку и стратешки ресурс, дипломатска алатка и безбедносен императив. Таа нагласи дека Македонија, како земја на крстопатот на Југоисточна Европа, се соочува со предизвици и можности во контекст на глобалните енергетски промени.
„Енергијата веќе не е само економски сектор – таа е стратешки ресурс, дипломатска алатка и безбедносен императив. Глобалните енергетски промени ни покажаа дека ниту една земја не може да си дозволи целосна зависност од надворешни извори. Лидерите на 21 век ќе бидат оние што ќе преземат одлучни чекори за диверзификација на енергетските извори, инвестиции во домашното производство и зајакнување на регионалната соработка. Македонија беше зависна од увоз на енергија, но денес ја менуваме таа приказна. Инвестираме во обновливи извори, градиме модерна енергетска инфраструктура и креираме законска рамка што го привлекува приватниот капитал. Нашата цел не е само стабилно снабдување со енергија – сакаме да бидеме енергетски независна држава и активен чинител на регионалниот пазар на енергија. “
Министерката ги презентираше напорите на земјата за постигнување енергетска независност преку инвестиции во обновливи извори на енергија, како што се соларните проекти „Битола 1“ и „Осломеј 2“ со капацитет од 30 MW, кои ќе произведуваат 46 GWh годишно, доволно за 7.000 домаќинства, со што ќе се намалат 40.000 тони CO₂ емисии годишно. Исто така, таа го спомена и развојот на ветерниот проект во Штип со капацитет од 400 MW.
Божиновска ја потенцираше важноста на регионалната соработка за енергетска безбедност, истакнувајќи ги проектите за интерконекција со Грција, со кои земјата не само што ќе заштеди 12 милиони евра годишно, туку и ќе ја зајакне стабилноста на целиот регион. Таа исто така ги истакна законодавните реформи во енергетскиот сектор, вклучувајќи го новиот Закон за енергетика, усогласен со директивите на ЕУ, и Законот за обновливи извори на енергија, кој отвора можности за батериско складирање, децентрализирано производство на енергија и интеграција на паметни мрежи.
Министерката Божиновска ја заврши својата презентација со повик за заедничка работа и партнерство за изградба на енергетски безбедна Европа и одржлив свет.
Енергетскиот самит во Атина е водечка конференција во енергетската индустрија,
Енергетскиот самит (Athens Energy Summit) се одржува по 14 пат, традиционално ги обединува глобалните лидери за дискусија на критични прашања поврзани со енергијата и нејзината иднина.
Министерката Божиновска, на маргините на Самитот во Атина, оствари и билатерални средби со министерот за животна средина и енергија на Грција, Теодорос Скилакакис и министерот за енергетика, трговија и индустрија на Кипар, Џорџ Папанастасиу.
Фокусот на разговорите беше важноста на меѓународната соработка за забрзување на енергетската транзиција, продлабочување на соработката во областа на обновливите извори на енергија, со акцент на примената на батериски системи, моделите за субвенции за домаќинства што инвестираат во фотоволтаици и размена на искуства во енергетската регулатива.
Министерот Папанастасиу ја покани министерката Божиновска во официјална посета на Кипар, со цел продлабочување на билатералната соработка во енергетскиот сектор. Во знак на партнерство, министерката Божиновска возврати со покана, со цел продолжување на дијалогот и конкретизирање на идните заеднички проекти.
Министрите ја потврдија подготвеноста за понатамошно продлабочување на партнерството во клучни енергетски проекти од регионално значење.
Вицепремиерот Изет Меџити во Вашингтон: Партнерството со САД, гаранција за стабилноста и развојот на Северна Македонија
МВР: Лажни се дојавите за бомби во училиштата
ГИМНАЗИЈАТА „ЈОСИП БРОЗ ТИТО“ БИТОЛА ОДБЕЛЕЖА „80 ГОДИНИ НАСТАВА НА СОВРЕМЕН МАКЕДОНСКИ ЈАЗИК“
Вандализам во Германија: Балканци затнале 270 ауспуси со пур-пена
НАЈНОВА ВЕСТ: Дојави за бомби во неколку училишта утрово во Скопје – родителите информирани да си ги земат децата
Револтиран угостител до Филипче: 15 години сум дел од ова не може да седам на страна без кажан збор!
БОМБА НА МАКЕДОНСКА ДОКТОРКА: Од 10 заболени вчера ревакцинирани со 2 дози се 8
Мехмети: Не прашувајте како изгоре болницата-Таа ја ИЗГОРЕВМЕ СИТЕ!
Затвор ли е Идризово, кафана ли е ? (Видео)
„Спремен сум да влезам во инфективна и со заболените БЕЗ МАСКА да седам 24/7 седум дена„“ – Предизвик до Филипче
(Видеo) Драма во Албанија: Гори 12-катница, 40 лица се заробени во становитe
Мистepиja на гpoбот на Свети Никола: И покрај paзopниот земjoтpec останал целoceн – се останато било yништено (ВИДЕО)
ПАЛЧО СО ИСТАТА БАНДА ВО МАЈ БЕШЕ ФАТЕН СО ПИШТОЛ БЕЗ ДОЗВОЛА како бара злато (ФОТО)
ВО ЖИВО ОД МВР – ФАТЕН Е И УАПСЕН ПАЛЧО (ВИДЕО)
(Видео) Излегов да берам дренки кога пред мене излезе мечката и ме нападна
-
Македонија7 days agoИСТАТА СУДИЈКА ШТО ГО ОСЛОБОДИ ВАСКО САКАШЕ ДА ЈА ЗАТВОРИ ВМРО-ДПМНЕ Таа беше носител на неправдата во случајот „Талир 2“
-
Бизнис4 days agoВработување со средно во Тетово, плата 31.000 денари
-
Македонија4 days agoРазрешена судијката што го судеше Васил убиецот на Фросина, работната група во Правда ќе бара нов судија
-
Македонија2 days agoМОРБИДНО: Има ли институција во Македонија која ќе се позанимава со ликов познат како Боби?
-
Скопје4 days agoПРВИ ФОТОГРАФИИ: Нова несреќа вечерва на Партизанска (ФОТО)
-
Македонија3 days agoАпсење на „Благоја Тоска“ во Тетово
-
Македонија2 days agoПаѓаат началници, инспектори во МВР и газди на автосервиси – Кој местел тендери за службени возила
-
Македонија7 days agoСо 2,52 промили и без возачка, 23-годишник беснеел по улиците