Connect with us

Македонија

ФФМ организираше семинар за медицински лица на тема – Ургентни состојби и траума во фудбалот

Published

on

Фудбалската федерација на Македонија го спроведе годишниот семинар за доктори и физиотерапевти на тема „Ургентни состојби и траума во фудбалот“.

Настанот го проследија тимските доктори и физиотерапевти од националните репрезентации, како и клупските доктори и физиотерапевти од Прва и Втора МФЛ и од Прва ЖФЛ.

Организирана од Секторот за медицина и антидопинг и поддржана од УЕФА, медицинската работилница се одржа на 25. и 26. јануари 2025 година во хотел „Хилтон“ и истата имаше за цел да им ги презентира на тимските и клупските лекари и физиотерапевти најновите знаења и техники поврзани со ургентните медицински состојби во фудбалот.

Утринските сесии беа посветени на суштински теми и понудија теоретско знаење кое му е неопходно на секое медицинско лице за да биде добро подготвено да се справи со низа критични ситуации, вклучително и формулирање на акциони планови за итни случаи, спроведување на првични проценки на повредени играчи, решавање на инциденти со ненадеен срцев удар на теренот и практични демонстрации на процедури за итни случаи на теренот.

Предавањата од областа на трауматологијата ги држеа д-р Михајло Ивановски, д-р Александар Милески и д-р Небојша Настов, додека обуката за основно и напредно животно одржување и раната реанимација и брзата дефибрилација ја држеа д-р Азби Агуши и д-р Игор Неделковски. Брифинг за итни случаи на теренот даде и д-р Невзат Јонузи.

https://youtu.be/IqUlDEp_rFs?feature=shared

Македонија

Снегот го парализира Истанбул: Босфор затворен, откажани летови

Published

on

Поради обилните снежни врнежи кои трет ден ја зафаќаат Турција, бродскиот сообраќај на Босфорот денеска е затворен во двата правци, соопшти Генералната дирекција за крајбрежна безбедност при турското Министерство за транспорт и инфраструктура.

„Туркиш ерлајнс“ соопшти дека поради невремето дел од летовите од и кон аеродромот во Истанбул за утре се откажани, пренесува „Хуријет“.

Властите најавија дека в понеделник училиштата во Истанбул ќе бидат затворени поради екстремно ниските температури и очекуваните потешкотии со транспортот на учениците.

Од синоќа на полноќ, градските власти воведоа забрана за движење на моторциклисти и курирски служби во Истанбул сè до подобрување на временските услови.

Continue Reading

Македонија

Сиљановска-Давкова: Посета на Македонската академија на науките и уметностите

Published

on

Претседателката на Република Македонија, Гордана Сиљановска-Давкова, ја посети Македонската академија на науките и уметностите (МАНУ), сместена во уникатното архитектонско дело на Борис Чипан. Во рамките на посетата, таа оствари плодна и конструктивна дискусија со членовите на Извршниот одбор на Академијата: претседателот Живко Попов, потпретседателите Витомир Митевски и Алајдин Абази, како и дописниот член Блажо Боев.

Разговорите беа фокусирани на историјата на Академијата, нејзините членови, нивните достигнувања, како и актуелните предизвици со кои се соочува оваа институција. Сиљановска-Давкова потенцираше дека МАНУ претставува симбол на критичкиот и творечки ум, врвното знаење и креативноста, што заслужува поголема почит и финансиска поддршка од државата.

„Нема подобра и поисплатлива инвестиција од онаа во науката и културата. Поддршката за МАНУ треба да биде барем 1% од БДП, затоа што науката е двигател на општествениот и економскиот развој,“ истакна претседателката.

Во контекст на драматичните промени на меѓународната сцена, соговорниците се согласија дека МАНУ има значајна улога како креатор и партнер во обликувањето на стратешките насоки на државата во справувањето со националните, регионалните, европските и глобалните предизвици.

Посетата на Сиљановска-Давкова ја нагласи важноста на Академијата како научно и културно јадро на македонското општество, кое заслужува континуирана поддршка и развој.

Continue Reading

Македонија

Жена од Пробиштип „олеснета“ за повеќе од 20 илјади евра, погледнете на што наседнала

Published

on

На 21.02.2025 во 13:00 часот, 56-годишна жена од Пробиштип пријавила измама во ОВР Пробиштип, каде што било посочено дека била измамена за сума од 1.434.000 денари.

Според нејзиното пријавување, во почетокот на јануари 2025 година, едно лице ја контактирало телефонски и ѝ соопштило дека потекнува од Штип, живее во Велика Британија и дека во неговата агенција стигнал документ кој потврдува дека таа е наследник на 590.000 евра, кои се во криптовалути. За да ги добие средствата, ѝ било речено дека треба да плати одредена сума.

Како што се наведува во пријавата, лицето ја убедило да инсталира неколку апликации на мобилниот телефон и да подигне кредит од 250.000 денари од финансиско друштво. Потоа, тој ги подигнал средствата преку една од апликациите со која имал контрола над нејзиниот телефон.

Во почетокот на февруари, жената извадила извод од банка и открила дека без нејзино знаење и согласност, преку електронско аплицирање биле подигнати два кредити од банката во вкупен износ од 1.184.000 денари.

Моментално се преземаат мерки за расчистување на случајот.

Continue Reading
Advertisement
Advertisement

Трендинг

Copyright © 2024 Булевар.мк