Младата 22 – годишна модна дизајнерка Фросина Кулакова, беше усмртена на „Партизанска” во Скопје, а ќе биде погребана денеска во Неготино, за ова информираше нејзиниот татко Тодор Кулаков на Фејсбук.

– Животот уште незапочнат, најсвирепо згаснат. Утеха ни на небо ни на земја, напиша тој.

За сите пријатели, роднини, колеги, Кулаков соопшти дека погребот ќе биде попладне, откако претходно ќе може да и се оддаде почит во капелата Бутел во Скопје од 10 до 11 часот, а во капелата во Неготино од 13 до 14 часот.

– Почивај во мир, мила наша, мила да си при Бога, Фросинче, напиша нејзиниот татко.

– На 30.01.2025 во 15.00 часот во СВР Скопје, М.К.(27) од Скопје пријавил дека околу 11.00 часот во Основен кривичен суд Скопје, каде бил во својство на сведок, обвинетиот Б.С. физички го нападнал и му упатувал закани, информираат од МВР.

Се преземаат мерки за расчистување на случајот.

Екс министерката за внатрешни работи Гордана Јанкулоска на својот Фејсбук профил упати најдлабоко сочувство до семејството и блиските на Фросина Кулакова, која трагично го загуби животот на „Партизанска“.

„Сум видела многу шокантни настани. Низ годините многупати се соочив со смртта на блиски луѓе, роднини, колеги кои животот го загубија на работно место, блиски соработници кои буквално ги снема за миг. Сум видела тела на жртви кои настрадале под различни околности, а некои од нив беа деца. Тие слики времето не може да ги избрише, едноставно не се забораваат.

Но, трагичната смрт на 22 годишната Фросина не само што ме потресе туку истовремено ми предизвика гнев.

Да не иделизираме, јасно е дека секој учесник во сообраќајот свесно или несвесно се случува да згреши па има и несреќи. Но, не е случајно и не е несреќа да возиш 130 км/час на Партизанска, не е случајно пијан да си седнеш зад волан и да нагазиш со 80км/час над дозволената брзина во најпрометниот дел од градот, не е случајно залетан да поминеш на црвено и не е несреќа кога некој на 20 години без возачка дозвола дивее по улиците и не ферма ниту правила ниту сообраќајна сигнализација затоа што мисли дека му се може. Тоа е девијантно однесување, криминал, дрскост и иссмевање со сите кои се трудат да постават граница меѓу доброто и лошото и мора да има соодветен одговор и реакција“, вели Јанкулоска.