Месар Омерагиќ, претседателот на Фудбалската федерација на Македонија (ФФМ), поставува нови стандарди во начинот на кој се води македонскиот фудбал. Со јасна визија, непоколеблив став и инсистирање на принципите, тој ја презеде одговорноста да го обедини македонскиот фудбал и да ги решава долгогодишните проблеми во системот.

Обединување, а не Разединување

Под негово раководство, ФФМ не бега од проблемите – напротив, активно ги решава во интерес на фудбалот. Но, клучното прашање останува: дали сите чинители ќе ги остават настрана разликите од минатото и ќе работат за добро на македонскиот фудбал?

Случајот со Бајлозов и ОФС Валандово е најдобар пример за тоа како критичарите можат да станат дел од системот што го оспорувале. Бајлозов, кој со месеци жестоко го критикуваше досегашниот претседател на ОФС Валандово, на крајот седна на маса, се договори – и стана дел од новото раководство. Сега, тој има можност да докаже дека навистина верува во своите принципи.

Почитување на Статутот и Принципите

„Доколку не се држите до фудбалските принципи, толку е. Ова е мојата порака,“ вели Омерагиќ, испраќајќи јасен сигнал до сите функционери во македонскиот фудбал. Тој инсистира на почитување на Статутот и процедурите, потенцирајќи дека никој нема да биде изземен од правилата.

Со оваа јасна позиција, Омерагиќ покажува дека неговиот мандат нема да биде само уште една страница во истата книга, туку вистинска трансформација во начинот на кој се води македонскиот фудбал.

Сега, останува да видиме дали сите ќе ја прифатат оваа нова реалност – или ќе останат заробени во старите навики.

Претседателот на Фудбалската федерација на Македонија (ФФМ), Масар Омерагиќ и техничкиот директор на ФФМ, Ѓорги Христов му посакаа добредојде во „Куќата на фудбалот” на Аљоша Асановиќ, легендарниот фудбалер од бронзената генерација (1998) на Хрватска, денес во улога УЕФА консултант задолжен за развој на млади елитни фудбалери.

„Посетата на нашиот пријател Аљоша ја нагласува посветеноста на УЕФА за поддршка на развојот на младите фудбалери, зајакнување на односите со нашиот оддел за младински фудбал и доказ за важноста да се инвестира во младите, осигурувајќи дека ги добиваат правите насоки и можностите за напредок. Ова е, исто така, одлична можност да ги инспирираме нашите фудбалери од Академијата на ФФМ и да ги подобриме нашите програми. Поддршката на УЕФА е непроценлива за развој на оваа категорија фудбалери”, рече првиот ловек на ФФМ.

Асановиќ е задоволен од тоа што го видел.

„Гледам нови ветришта во македонската федерација, се надевам на блиска соработка наскоро со сите вас, посебно со Ѓорги Христов, затоа што јас знам дека за развој на фудбалот во Македонија е еден од најдобрите. Го запознав претседателот, гледам дека е енергичен, сака напредок во фудбалот и тоа е добар знак за македонскиот фудбал да се крене, бидејќи има таленти. Ова е поднебје каде што има таленти, само треба да се најдат вистинските луѓе за тоа. Убеден сум дека тоа е правиот пат за македонскиот фудбал. Едноставно гледам голема енергија и она што е важно, имате знаење и продолжете понатаму“, порача Асановиќ.

Според техничкиот директор Христов, Асановиќ не случајно е одговорно лице на УЕФА бидејќи има знаење и искуство.

„Јас се чувствувам слободен и нема да се срамам во секој момент да ја побарам помошта од Асановиќ и неговиот тим за сè што е поврзано за развој на младите, бидејќи тоа нас ни е клучно. Ќе почнеме од најмладите, од генерацијата 2012, што треба веќе на лето да ја селектираме. Заедно да направиме еден систем кои ќе го следат многу генерации во иднина“, рече Христов.

Избор: sportmanija.mk

Елиф Елмас официјално е нов играч на Торино! Македонскиот фудбалски бисер успешно ги мина медицинските прегледи и ќе го носи дресот со број 11 во својот нов клуб. Со овој трансфер, Елмас започнува ново поглавје во својата кариера во италијанската Серија А.