Во изминатите шест дена концентрациите на ПМ 10 честички во воздухот во Велес покажуваат дека се над максимално дозволените. Ова се податоци од Државниот автоматски мониторинг за квалитет на воздух на Министерството за живитна средина и просторно планирање, кои се регистрираат на единствената мерна станица во Велес поставена  во новиот дел од градот во населбата Тунел во дворот на детската градинка.

Граѓаните на Велес се револтирани што не се мерат концентрациите и во стариот дел од градот, каде сметаат дека има уште поголемо загадување. Тие со години бараат да им се врати мерната станица „Велес 2“ која беше лоцирана кај Топилницата, а која по нејзиното затворање беше преселена во Струмица. Граѓаните на Велес забележуваат и што единствената мерна станица во градот не ги регистрира концентрациите на уште поопасните по здравјето ПМ 2,5 честички.

Денеска во новиот дел на градот концентрациите на ПМ 10 честичките се скоро двојно повисоки и изнесуваат 97 мг/м3 воздух. Инаку, во изминатите денови овие вредности се движат од 67,50 мг/м3 до 84,57 мг/м3 воздух.

Граѓаните се жалат на проблеми со отежнато дишење  поради загадениот воздух поради што е нарушено нивното здравје. Дел од граѓаните посебно повозрасните носат заштитни маски.

Градоначалникот Марко Колев деновиве одговарајќи на новинарско прашање за решавање на проблемот со загадувањето  и констатацијата дека Велес нема општински инспектор за животна средина, појасни дека Општина Велес сепак има Одделение за заштита на животната средина кое постојно го следи квалитетот на воздухот и реагира.

Воедно информира дека и самиот увидел дека дел од домаќинствата горат несоодветни материјали како пластика, ќумур и други материјали кои го загадуваат воздухот и дека со овој проблем освен Велес се соочени и останатите градови во земјава. Тој најави дека треба да се воведат санкции за овие домаќинства кои го загадуваат воздухот во градот.

-Апелирам до граѓаните да не користат материјали за затоплување кои го загадуваат воздухот, порача Колев.

Тој информира дека во таа насока за намалување на загадувањето, Општина Велес прави напори за замени на фасадите со топлотни и затоплување со  грејни тела како  инвертер клими , а кои не го загадуваат воздухот,а општината  доделува и субвенци за нивна набавка.Воедно на сите свои јавни установи и училишта,општината веќе  има поставено фотоволтаични панели за сопствено производство на електрична струја.

Колев истакна дека поради  зголеменото загадување низ велешките улици со зголемениот сообраќај на возила, а  поради затворање на мостот на Вардар кај Башино Село деновиве било извршено вонредно миење на велешките улици.
Тој воедно најави дека ако  за тоа дозволуваат временските услови без минусни температури, а  за да не дојде до нивно замрзнување,  дека  деновиве ќе се изврши и дополнително второ миење на главните  градски улици во Велес.

Суспендиран е затворскиот полицаец, којшто го пренел телефонот до Васил Јованов во притворското одделение во Шутка, но истрагата нема да заврши тука, уверува директорот на Управата за извршување санкции, Александар Пандов во интервју за вечерашната „Топ тема“.

Според него, јасно е дека во шемите се вклучени повеќе лица.

Само во вонредна контрола денеска пронајдени се и одземени 70 мобилни телефони.

– 32 постапки се водат во обвинителство, при тоа има заповедници во овие 32, има командири, од секаков калибар вработени. Над 100 дисциплински постапки се покренати во овој период – рече Пандов.

Тој потврди дека на возачот кој ја прегази Фросина Кулакова му е одземен мобилниот телефон кој, како што рече, му бил однесен во кутија колачи во ќелијата.

– Затворскиот полицаец што ја однел кутијата без да ја провери, е суспендиран. Од другата ќелија рекле дека на некој во ќелијата на Васил Јованов му паднал шеќерот, нешто во што никој не верува затоа што тоа се стари шеми – истакна Пандов.

Главното решение, според него, е оформување на две интервентни единици кои не се поврзани со овие затвори.

– Неопходни се нови вработувања. Во дадениов случај ве уверувам дека без тие нови вработени реално многу тешко се работи, кај Утковски во Шутка на дневна основа од затворот Куманово и затворот Штип доаѓаат околу 15 затворски полицајци кои се на испомош затоа што бројката е под минимумот – рече директорот на Управата за извршување санкции.

Додека адвокатите во Србија прогласија 30-дневен прекин на работата барајќи смена на водечките луѓе во обвинителствата и судството поради пристрасност, во Македонија ваков потег останува незамислив.

Српската Адвокатска комора достави официјално барање за промени во правосудниот систем и разрешување на сите членови на судските и јавно-обвинителските републички совети, аргументирајќи дека мора да се врати законитоста во постапките. Овој чекор, кој силно одекна во регионот, ја отвора дилемата: зошто македонските адвокати не преземаат слична иницијатива, иако правосудството во земјава постојано е мета на критики за политички влијанија и неправилности?

Адвокатите во Србија испратија порака дека нема да дозволат компромис со правдата. Но, дали македонската адвокатска заедница ќе остане нем набљудувач, или конечно ќе заземе активна улога во борбата за праведен правосуден систем?

Како што коментира адвокатот Владимир Туфегџиќ: „Едно е сигурно, ова кај нас нема да се случи никогаш.“ Но, дали навистина треба да биде така?