Црна Хроника

Зејнелов го призна убиството на Емилија Пешева, семејството и обвинителот бараат доживотен затвор

Доживотна казна затвор за Фадил Зејнелов, кој на 1 ноември 2024 година на свиреп начин ја уби штипјанката Емилија Пешева, денеска во Основниот суд во Штип на вовоедните и завршни зборови побараа обвинителот во Основното јавно обвинителство и двајцата адвокати на семејството Пешеви. На Зејнелов му се суди за кривично дело убиство извршено при семејно насилство или фемицид.

Според истрагата на Основното јавно обвинителство, за убиството на штипјанката Пешева обезбедени се докази според кои обвинетиот на 1 ноември 2024 година, при вршење семејно насилство, со умисла ја лишил од живот својата вонбрачна партнерка. Кога се уверил дека не дава знаци на живот, тој го напуштил местото и сам се пријавил во Полициска станица-Штип.

Обвинетиот Зејнелов ја призна вината и рече дека мотивот за убиството е неверство.

Родителите на Емилија Пешева сметаат дека правдата за нив е доживотен затвор за убиецот на нивната ќерка. Тие сведочат дека Зејнелов по извршување на убиството веднаш не се пријавил во Полициска станица Штип, туку заминал да ги потроши во коцкарница парите кои ги земал од нивната ќерка, а има и десетина повици упатени кон мајката на Емилија за да праша дали нејзината ќерка се вратила дома. Откако се осигурал дека Емилија не се вратила дома, се пријавил во Полициска станица-Штип.

– Барам доживотна казна затвор.Тоа имам да му порачам и да го замолам судијата, кога ќерка ми ќе излезе од гроб, тогаш и убиецот нека излезе од затвор, изјави мајката на Емилија Пешева.

Таа вели дека дента кога Зејнелов ја повикал да се видат во напуштениот објект на ЈП „Исар“ во близина на нивниот дом, во последен момент не дозволила со неа да замине и синчето на Емилија.

Родителите на Пешева тврдат дека Емилија постојано била малтретирана и тепана од страна на Зејнелов.

Претседател на судскиот кривичен совет, при Основниот суд во Штип за овој судски предмет е судијата кривичар Сашко Георгиев, кој откако завршија воведните и завршни зборови на обвинителството и адвокатите на убиената Пешева и на адвокатот по службена должност на Зејнелов, најави дека пресудата ќе биде објавена во среда на 12 февруари 2025 година во 13 часот во Основниот суд во Штип.

Црна Хроника

Во Тетово уаспени 3 лица – Полицијата со детали

На 04.12.2025 во 16:45 часот на регионален пат Тетово-с.Волковија, полициски службеници од СВР Тетово ги лишија од слобода В.Т.(41) од Тетово, Ј.А.(41) и Џ.А.(28), двајцата од Дебар, затоа што кај нив е пронајдена и одземена бела прашкаста материја. Тие се задржани во полициска станица и по документирање на случајот ќе биде поднесен соодветен поднесок.

Црна Хроника

Трагедија во Огњанци: 19-годишно момче пронајдено починато во својот дом

Вчера попладне беше пронајдено безживотно тело на 19-годишен млад човек во неговиот семеен дом.

Министерството за внатрешни работи (МВР) информира дека веста за трагедијата е пријавена во СВР Скопје околу 15:38 часот. Засега неразјаснетите околности доведоа до ненадејна смрт на младиот Р.О. од скопското село Огњанци.

Веднаш по пријавата, на местото на настанот пристигнала екипа на Итна медицинска помош. Според полицискиот извештај, лекарот можел само да констатира смрт.

„По извршениот увид и укажаната лекарска интервенција, констатирана е смрт без видливи повреди, а по наредба на јавен обвинител телото е предадено на обдукција,“ соопштија кратко од МВР, додавајќи мистерија на случајот.

Иако на телото не биле забележани траги од насилство, јавниот обвинител наредил обдукција за да се расветлат причините за овој трагичен крај.

Случајот останува отворен и интензивно се истражува со цел да се добие одговори на прашањето што го згасна животот на 19-годишникот во семејниот дом.

Црна Хроника

Кривична пријава против директорка – МВР со детали

СВР Штип – ОВР Делчево, до Основното јавно обвинителство Делчево, поднесе кривична пријава против Д.Ц.(53) од Делчево поради постоење основи на сомнение за сторено кривично дело „фалсификување исправа“ по член 378 од Кривичниот законик. Пријавената, на 01.06.2023 набавила фалсификуван тест за познавање на аглиски јазик од Бугарија и на 29.06.2023 го доставила во прилог на документите по јавниот оглас за избор на директор на средното училиште „Методи Митевски Брицо“ во Делчево.

Врз основа на приложените документи, комисијата констатирала дека Д.Ц. ги исполнува условите предвидени во јавниот оглас, а по изготвениот записник бил доставен предлог до градоначалникот на општина Делчево таа да биде избрана за директор. Врз основа на доставениот предлог, на 12.07.2023 градоначалникот на општина Делчево изготвил решение со кое пријавената била избрана за директор на училиштето.