Едноставен трик за блескаво чиста ВЦ школка – за само пет минути

Чистењето на ВЦ школката несомнено спаѓа меѓу најомразените домашни обврски. Иако еден од највалканите предмети во секој дом, тоалетот, често не се чисти доволно добро. А понекогаш, и редовното одржување не секогаш помага во отстранување на тврдокорниот каменец.

Каменецот, покрај тоа што го нарушува изгледот на бањата, со тек на време може да предизвика и сериозни оштетувања на санитарната опрема и затнување на цевките. Затоа е важно да се отстрани навреме – а една домаќинка откри дека решението е поедноставно отколку што мислиме.

Британката Хелен Ворик, која долги пет години се мачела со тврдокорен каменец на дното од ВЦ школката, конечно го решила проблемот благодарение на едноставен трик што го прочитала на популарниот Фејсбук профил „Mrs Hinch Cleaning“, посветен на совети за чистење. Резултатот ја воодушевил – и тоа без никаков напор.

„Пробав сè што можете да замислите, но ништо не помогна. А потоа налетав на совет да се користи лимонска киселина. Го отстранив вишокот вода од школката, истурив лимонска киселина и ја оставив пет минути. Толку! Нема повеќе каменец. Пресреќна сум што конечно имам чиста ВЦ школка“, напиша Хелен на социјалните мрежи.

Лимонската киселина е веќе добро позната како природно средство за чистење со широка примена, но корисниците на социјалните мрежи се особено воодушевени од нејзината ефикасност токму кај тоалетите. Под објавата се нижат десетици коментари од луѓе кои ја користат редовно.

„Секогаш ја препорачувам, одлична е“, напишала една корисничка, додека друга додава: „Ја користев и за чистење на фуги меѓу плочките – само направете паста со малку вода, нанесете и оставете некое време, потоа избришете“.

Некои дури споделуваат дека додека лимонската киселина делува, во школката ја оставаат и четката за ВЦ за истовремено да се исчисти.

„Навистина е чудотворен производ“, вели друга корисничка. „Но, бидете внимателни – иако е одлична за тоалети, треба со претпазливост да се користи на други површини.“

Се чини дека лимонската киселина стана омилен сојузник во борбата против тврдокорната нечистотија – едноставна, ефикасна и лесно достапна.

Овен

Денес ќе се соочиш со непредвидливи луѓе, но со малку трпение и фокус ќе најдеш начин да се разбереш со нив. Исто така, постои шанса за подлабока емоционална поврзаност со некој што ти значи.

Бик

Работите одат пребрзо, а ти се чувствуваш изгубено. Не се изненадувај ако и во љубовта дојде до ситни конфликти – бидете внимателни со зборовите.

Близнаци

Цврсто стоиш на свој став, но не им се допаѓа на сите. Во љубовта, не те фасцинира кога партнерот ги анализира ситниците – време е за искрен разговор.

Рак

Некој ќе проба да те натера да промениш планови. Избери дали вреди конфликтот или компромисот. Во љубовта – истото важи.

Лав

Ќе добиеш интересна понуда – размисли добро. Во врската, нешто те мачи, но наместо да се расправаш, ќе се повлечеш. Прашање е: дали тоа помага?

Девица

Претоварен ден, а и уморот се чувствува. Партнерот ќе се пожали на запоставеност – не дозволувај ова да стане навика.

Вага

Тешко се договараш со соработниците, како да зборувате различен јазик. И во љубовта не се чувствуваш разбрано – можеби денес е ден за малку дистанца.

Шкорпија

Интересна можност се појавува, но твојот календар веќе врие. Во љубовта, флертот е во воздухот – ама внимавај да не создадеш конфузија.

Стрелец

Се преоптоваруваш со работи што не можеш да ги контролираш. Фокусирај се на тоа што е во твои раце. Во љубовта, не ти се објаснува – но можеби треба.

Јарец

Потребна ти е концентрација – една мала грешка може да те чини скапо. Во љубовта, некој се повлекува – прашај се зошто.

Водолија

Некои обврски се одложуваат без логично објаснување. Знаеш дека треба да се вклучиш, ама ти недостига мотивација. Емоциите тешко ги контролираш денес.

Риби

Знаеш што треба, но не ти се мrднува. Внимавај да не ја пропуштиш шансата. Партнерот се обидува да те разбере, но твојата нервоза само додава тензија.

Нова визуелна загатка стана вистински хит на Reddit – овојпат, предизвикот беше да се пронајде куче скриено во шумски пејзаж.

На прв поглед изгледа лесно, но мнозинството од корисниците не успеале. Дури 99% признале дека не можеле да го забележат љубимецот, кој речиси совршено се стопил со околината.

Дали успеавте да го најдете кучето?

Еве го одговорот.

Кучето е скриено покрај дрво на десната страна од патеката, означено со бела налепница. Лежи мирно, а неговото крзно се вклопува со паднатите лисја – токму тоа ја прави оваа загатка толку тешка.

Дали успеа да го пронајдеш?