Селекциите на фудбалските ѕвезди од Бугарија и Македонија на 27 април во 15 часот на стадионот на Спартак во Варна ќе одиграат хуманитарен натпревар, а средствата ќе бидат донирани за семејствата на настраданите и повредените во големата трагедија во Кочани.

Ваквиот натпревар ќе се одигра на иницијатива на Фондацијата „Национали 94“ во која членуваат бугарските репрезентативци од Светското првенство во 1994 година, кога нашите источни соседи го постигнаа најголемиот успех. Ќе настапат голем број играчи кои завршија како четврти на СП 1994 година во САД.

Тоа се Христо Стоичков, Борислав Михајлов, Емил Кременлиев, Златко Јанков, Емил Костадинов, Јордан Лечков, Наско Сираков, Даниел Боримиров, Пламен Николов, Бончо Генчев, Ивајло Јорданов, Илијан Кирјаков, Петар Михтарски, Петар Георг Александриков, Георги Георгиев, Красимир Балаков и Иваило Андонов кои според бугарските медиуми го потврдија своето учество.

На натпреварот за Бугарија ќе настапат и поранешните репрезентативци Радостин Станев, Елин Топузаков, Гошо Гинчев, Станислав Ангелов4, Дончо Донев, Александар Александров-Кривија, Мартин Камбуров и Валери Божинов.

Македонија уште го крои тимот и прави листа со кои ќе се појави во Варна, а она што е сигурно е дека тренер ќе биде најтрофејниот Ѓоко Хаџиевски. Главна ѕвезда во тимот ќе биде легендата Горан Пандев кој сега е во улога на функционер во ФФМ, а се очекува да играат повеќе познати имиња од генерациите од осамостојувањето.

Младата македонска тенисерка Сара Митевска имаше одличен настап на турнирот во Нови Сад Јејсон Куп 2025 за тенисерки до 16 години (турнир со категорија 2). Митевска беше финалистка во сингл конкуренција и триумфираше во двојки заедно со Нина Тепиќ од Србија.

Во поединечна конкуренција македонската тенисерка постигна пет победи до пласманот во финалето каде беше поразена од Романката Сара Козма со 2-0 во сетови (60 64), но претходно во полуфиналето ја надигра првата носителка Никол Нунева од Бугарија со 2-0 во сетови (62 61), а со истиот резултат оствари победа и над осмата носителка Антониа Станева (Бугарија) 2-0 (62 61) во четвртфиналето. Во првото коло Митевска беше поуспешна од Романката Раиса Алексиа Мада 2-0 во сетови (60 63), а во второто коло ја победи Верица Зрниќ од Србија со 2-0 (61 75), додека во трета рунда славеше победа од 2-0 во сетови (76(2) 64) над Мина Марковиќ од Србија.

Во конкуренција на двојки со Нина Тепиќ каде беа рангирани како втори носителки во финалниот меч остварија победа на Мина Марковиќ (Србија) и Гала Тешиќ (Швајцарија) со 2-0 во сетови (75 63).

Сара Митевска е пријавена за настап на турнир и оваа недела во Панчево во рамки на Печин куп (турнир со категорија 2).

Женската репрезентација на Македонија до 19 години загуби со 2:0 од соодветната селекција на Хрватска во натпреварот од 3. коло на квалификацискиот турнир од Б лигата (втора рунда) за пласман во А лигата на квалификации за Е.П.

Репрезентацијата на Хрватска ја забележа и третата победа на овој турнир и со максимален број на бодови го освои првото место во групата. Нашата млада селекција го забележа првиот пораз, по воведната победа во првото коло против Литванија и нерешениот резултат во второто коло со Ерменија.

Весели во 13. минута ја донесе репрезентацијата на Хрватска во предност со 2:0. Петковиќ во 74. минута ги постави конечните 2:0.

Македонија: Комненова, Јованоска, Петкова, Ѓорѓиева, Василева, Конева, Дика, Димитриоска, Велиу, Димитриоски, Илиевска;

Селектор: Астрит Мерко