Францускиот министер: Наркокартелите стојат зад нападите врз затворите – обвинителството за тероризам ја презеде истрагата

По серијата координирани напади врз затвори низ повеќе градови во Франција, министерот за внатрешни работи, Бруно Ретајо, изјави дека Националното обвинителство за борба против тероризмот веќе презема активности и располага со потребните ресурси за справување со ситуацијата.

Ретајо, во изјава за RTL, нагласи дека зад нападите најверојатно стои нарко-мафијата. „Моето цврсто убедување, кое го делат и повеќе агенти од Министерството за внатрешни работи, е дека имаме работа со таканаречениот ‘нарко-олош’. Тие можеби не ни објавија војна, но ние ним – да, преку законите за борба против трговијата со дрога“, рече тој.

Од неделата досега, нападнати се околу десет затвори, но изминатата ноќ поминала мирно. Министерот истакна дека сторителите ќе бидат пронајдени, потсетувајќи на апсењето на бегалецот Мохамед Амра во Романија.

Иако засега нема уапсени, истрагата не ја исклучува можноста за вмешаност и на екстремната левица, како ни на странски фактори. Сепак, Ретајо смета дека најверојатна е поврзаноста со криминални наркоструктури.

„Се работи за луѓе без капацитет – им било наредено да ги палат автомобилите на чуварите, а тие запалиле возила на затвореници“, изјави тој со доза на иронија.

Француското обвинителство за борба против тероризмот официјално отвори истрага во вторникот, откако изминатите денови беа извршени напади на затвори во неколку градови. Првиот инцидент се случи во неделата во Ажен, каде беа запалени седум возила пред Националното училиште за кадри во затворската служба (ENAP).

Во ноќта меѓу понеделник и вторник, напади беа регистрирани и во Тулон, каде се пукаше кон затворската ограда со автоматско оружје, како и во Нантер, Марсеј и Ним, каде беа запалени возила на затворски паркинзи.

Извори блиски до истрагата посочуваат дека нападите биле координирани и претставуваат реакција на заострувањето на затворскиот систем, односно воведувањето на затвори со највисоко ниво на безбедност и новата стратегија на Министерството за правда во борбата против трговијата со дрога.

Денеска во центарот на Скопје, граѓаните беа сведоци на вознемирувачка сцена – автомобил влечеше коњ со јаже низ улиците, пишува 4news.mk

Настанот предизвика шок и револт кај случајните минувачи.

Засега не е познат идентитетот на лицето што управувало со возилото, ниту причините зошто животното било влечено на ваков начин, но граѓаните бараат итна реакција од надлежните институции и соодветна санкција за сторителот.

Извор: 4news.mk

Според весникот Њујорк тајмс, израелската влада сакала да нападне нуклеарни постројки во Иран и сметала на американската воена поддршка. Меѓутоа, претседателот Трамп го одбил премиерот Нетанјаху.

Според извештаите на медиумите, претседателот на САД, Доналд Трамп одбил да го поддржи Израел во можен напад врз нуклеарни постројки во Иран. Наместо тоа, Трамп се заложил за преговори со Техеран, објави Њујорк Тајмс, цитирајќи неименувани претставници на американската влада.

Разгледани се неколку сценарија за напади врз иранските нуклеарни постројки. Речиси сите барале поддршка од американската војска – да го заштити Израел од иранската одмазда, но и да обезбеди успех на плановите. На крајот бил изготвен план за бомбардирањето, кој, според американскиот весник, требало да започне на почетокот на мај и да трае повеќе од една недела. Во заднина се стравувањата дека Исламската Република би можела да тежи кон нуклеарно оружје. Техеран го негира ова.

Скептицизмот не е само кај претседателот

Израелската влада сметала на Трамп да ги поддржи плановите, се наведува во извештајот на Њујорк Тајмс. Меѓутоа, неколку членови на американската влада биле скептични, вклучувајќи ја и координаторката на разузнавачките служби, Тулси Габард, која предупредила на поголем конфликт со Иран. И секретарот за одбрана Пит Хегсет и потпретседателот Џеј Ди Венс имале свои сомнежи.

Трамп на крајот му ја соопштил својата одлука против нападот на израелскиот премиер Бенјамин Нетанјаху на состанокот во Белата куќа на 7 април. На прес-конференција потоа, тој најави разговори меѓу САД и Иран. Како и досега, претседателот се закани со воени последици доколку Техеран не се согласи на нов договор за ограничување на неговата нуклеарна програма.

Во неговиот прв мандат, Трамп во 2018 година еднострано се повлече од Виенскиот нуклеарен договор, кој требаше да ја ограничи нуклеарната програма на Иран и за возврат да се укинат санкциите. Потоа, ни Техеран повеќе не ги почитуваше условите од договорот.