На 16.04.2025 околу 23.45 часот во СВР Скопје, Е.С. од Скопје пријавил дека во казино во Радишани неколку лица, од кои едно познавал, физички го нападнале и му одзеле пари.

Според пријавеното, тој играл рулет и откако добил пари го удрил рулетот и го искршил стаклото, по што за кратко време го викнал вработениот од обезбедувањето во канцеларијата, каде што дошле лицата и физички го нападнале.

Се преземаат мерки за расчистување на случајот.

Во раните утрински часови денеска, околу 03 часот, во скопскиот Центар изби пожар кој целосно зафати угостителски објект на улицата „50-та Дивизија“, во непосредна близина на Клиничкиот центар. Станува збор за познат ресторан, кој бил целосно опожарен.

Пожарот бил локализиран и изгаснат од страна на екипа на Бригадата за противпожарна заштита на Град Скопје. За среќа, при интервенцијата не се регистрирани повредени лица.

Од Министерството за внатрешни работи информираат дека е извршен увид од страна на увидна екипа на СВР Скопје, а според првичните информации постојат сомнежи дека пожарот можеби бил подметнат. Се работи на утврдување на причините за избувнување на огнената стихија.

Полицијата продолжува со истрагата.

Регионалниот центар за управување со кризи на Град Скопје, по добиеното известување од ЕВН, известува дека поради планирани зафати во електро дистрибутивната мрежа, утре (четврток), без напојување со електрична енергија ќе останат:

– Oд 06:30 до 13:00 часот, дел од с.Сарај ул.4 – пат за с.Љубин кај кафе Лозана (општина Сарај)

– Oд 09:00 до 13:00 часот,ул.Лазар Трповски зграда бр.1 бр.5 кои се до ТС Лазо Трповски (општина Чаир)

–  Oд 09:00 до 15:30 часот,с.Патишка Река, викендици Патишка Река и викендици Држилово (општина Сопиште)

– Oд 10:00 до 14:30 часот, дел од потрошувачите на ул.Наум Чакаров бр.1-5 и ул.Борис Сарафов бр.105-121 (општина Ѓорче Петров)

– Oд 12:00 до 13:00 часот, дел од ул.1 во с.Побожје, пат кон Бутел (општина Чучер Сандево).