Кошмарот од кој стравуваше Пеп Гвардиола стана реалност

Пеп Гвардиола ја поминува една од најтешките сезони во тренерската кариера, а кошмарот се продолжи со испаѓањето на Манчестер Сити од Лигата на шампионите од страна, поради поразот од Реал Мадрид.

Во реванш фазата за осмина финалето, кралевите славеа со резултат од 3:1.

Педантните аналитичари веднаш објавија вознемирувачки податоци. Гвардиола досега во својата кариера, нема доживеано вакво нешто.

Пред се, тоа е прв пат за дури 16 учествувања во Лигата на шампионите, да неговиот тим не стигне до осмина финале. Ова претставува огромна реткост.

Исто така, поразот од Реал Мадрид беше 13. во сезоната за Манчестер Сити, што е рекорд за Гвардиола.

Карло Анчелоти исто така стана вистински ноќен кошмар за Гвардиола, бидејќи стана првиот тренер кој го исфрлил Гвардиола четири пати од Лигата на шампионите.

Претходните три пати тоа се случило во полуфиналињата во 2014 и 2022. година, а потоа и во четвртфиналето во 2024.

Селта со огромна сензација: Реал Мадрид поразен на „Бернабеу“, Сведберг блескаше со два гола

Реал Мадрид доживеа шокантен пораз на свој терен, откако Селта Виго приреди вистинска сензација и го совлада гигантот на „Сантијаго Бернабеу“. Херој на мечот беше 21-годишниот шведски напаѓач Вилиот Сведберг, кој со два погодоци го реши дуелот и ја прослави веројатно најзначајната вечер во својата кариера.

Младиот талент одигра блескава партија и целосно ја изненади одбраната на Реал. Неговите два гола не само што му донесоа победа на Селта, туку и создадоа приказна која навивачите долго ќе ја паметат. Селта со оваа победа направи вистинска сензација, нанесувајќи му на Реал еден од најболезнените порази оваа сезона.

Реал Мадрид влезе како апсолутен фаворит, но гостите од Виго покажаа дисциплина, брзина и одлична ефикасност. Дури и доминацијата во посед и шансите не му помогнаа на Реал да избегне пораз, а Сведберг повторно потврди дека е еден од најперспективните напаѓачи во европскиот фудбал.

Со оваа победа, Селта испиша историја на „Бернабеу“, а мечот веќе се смета за едно од најголемите изненадувања во тековната сезона на Ла Лига.

Спорт

Ландо Норис со историска круна во драматичен финиш на сезоната

Возачот на Мекларен, Ландо Норис, и официјално е новиот светски шампион во Формула 1. Во една од највозбудливите и најнеизвесни сезони во последната деценија, Британецот со минимална предност од само два бода над актуелниот шампион Макс Верстапен ја освои својата прва титула во кариерата.

Во последната трка од сезоната, возена во Абу Даби, Верстапен стигна до победата, но третото место на Норис му беше доволно за да го задржи врвот во генералниот пласман. На подиумот се искачи и Оскар Пјастри, тимскиот колега на Норис во Мекларен, кој заврши втор на трката, а сезоната ја комплетираше како трет во генералниот поредок.

Мекларен одамна ја имаше осигурено титулата кај конструкторите, оставајќи ги зад себе Мерцедес и Ред Бул во една доминантна година за тимот од Вокинг.

Спорт

Битола во зелено-бела еуфорија: Салата „Боро Чурлевски“ распродадена за дербито со Вардар

Битола повторно потврди дека ракометот е дел од срцето на градот. За дербито меѓу РК Пелистер и РК Вардар, сите билети се распродадени, а салата „Боро Чурлевски“ ќе прелива од навивачи.

Во среда, зелено-белите поддржувачи ќе го претворат спортскиот дом во вистински вулкан на емоции, носејќи го градот низ магијата на ракометот. Традицијата, страста и победничкиот дух на Битола повторно ќе се чувствуваат во секој агол на арената.

Само Битола, само Пелистер, само зелено-белиот дух.