Министерката за енергетика, рударство и минерални суровини, Сања Божиновска, оствари конструктивна средба со амбасадорот на Казахстан, Н.Е. Сатибалди Буршаков, на која се разговараше за можностите за соработка во енергетскиот сектор.
Главен фокус на средбата беа обновливите извори на енергија и нивниот потенцијал за диверзификација на енергетските ресурси. Министерката Божиновска истакна дека размената на искуства со земји како Казахстан, кои имаат значајно искуство во оваа област, е од особена важност за постигнување енергетска стабилност и независност.
„Диверзификацијата на енергетските извори е клучна за енергетската стабилност и независност. Соработката меѓу државите значи подобра енергетска иднина за сите,“ нагласи Божиновска.
Средбата беше во насока на зајакнување на билатералните односи и отворање нови можности за инвестиции во одржливи енергетски проекти, кои би придонеле за забрзана зелена транзиција и одржлив економски развој.
