Градоначалникот на општина Кисела Вода, Орце Ѓорѓиевски, денес објави јавен повик за доделување на еднократна парична помош од 2.500 денари за жртви на семејно и родово базирано насилство. Оваа мерка е дел од Програмата за еднакви можности за 2025 година и претставува конкретен чекор во правец на создавање почувствителна и праведна општина.

Право на помош ќе имаат жители на општина Кисела Вода кои во периодот 2024–2025 година се евидентирани од страна на Центарот за социјални работи како жртви на насилство. За тоа ќе биде потребно да се достави соодветна потврда, како и останата документација која е достапна на веб-страницата на општината, на огласните табли и во денешното издание на „Слободен печат“.

„Со оваа мерка испраќаме јасна порака дека никој не е сам. Локалната заедница стои зад секој што се соочува со насилство“, изјави Ѓорѓиевски. Тој подвлече дека е потребна општествена мобилизација, но и системска поддршка, и најави продолжување на политиките за заштита, помош и рехабилитација на жртвите.

Оваа иницијатива претставува дел од поширокиот ангажман на општината за подобрување на социјалната заштита и унапредување на еднаквоста и достоинството за сите граѓани.

Нема крај на сообраќајната некултура во Скопје: Возило се движи низ пешачка зона.

Срамна и опасна сцена – возило снимено како се движи низ пешачката зона на мостот „Гоце Делчев“.

Погледнете го видеото во продолжение:

 

View this post on Instagram

 

A post shared by 24 info (@24info.mk)

Видео:24info.mk

Светлана Колариќ, претседателка на Советот на Општина Кисела Вода од редовите на ВМРО-ДПМНЕ, во интервју за порталот „Локално“ потврди дека партијата спроведува анкети за избор на предлог-кандидат за градоначалник на општината, но одби да навлезе во детали за можните имиња. Таа потенцираше дека одлуката ќе биде донесена по темелна анализа и консултација со сите засегнати страни, и изрази уверување дека кандидатот ќе биде избран според принципите на посветеност, одговорност и чесност.

Иако Колариќ изрази пофалби за актуелниот градоначалник Орце Ѓорѓиевски и истакна дека токму тој ги подигнал стандардите за функционирање на локалната самоуправа, таа не потврди дали тој ќе се кандидира повторно за Кисела Вода. Изостанувањето на директен одговор го остава отворено прашањето за неговите идни чекори, особено имајќи предвид дека Ѓорѓиевски се споменува како можен кандидат за градоначалник на Град Скопје.

„Не би сакала да одговорам на прашање за кое не сум надлежна – за тоа одлучува Извршниот комитет на партијата. Во улога на претседател на Советот, кој се грижи за координација и организација на седниците на комисиите и Советот на Општината, можам да истакнам дека соработката со сите членови на Советот – претставници од коалициските партнери и од опозициските партии – се одвива на највисоко професионално ниво“, децидна е Колариќ.

Во контекст на подготовките за локалните избори, Колариќ нагласи дека сите опции се разгледуваат, но одлуките за кандидатури и коалиции ги носи исклучиво Извршниот комитет на партијата. Таа додаде дека без оглед кој ќе биде избран, ВМРО-ДПМНЕ ќе понуди силен кандидат кој ќе продолжи со развојот на Кисела Вода, и најави уверена победа на претстојните избори.