Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е умерен, а на граничните премини од македонска страна нема подолги задржувања за влез и излез од државата.

Како што известува АМСМ, од утре ќе има привремена промена во сообраќајот на делот од државниот пат А2 – делница Желино – Тетово, помеѓу бензинската станица Макпетрол и северниот влез на Тетово. На овој дел од патот ќе се врши геодетско снимање и една сообраќајна лента ќе биде затворена во неколку фази. Работите ќе траат до нивно завршување.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Утре, на 24 април (четврток), поради планирани интервенции на електроенергетската мрежа, повеќе села од тетовскиот регион ќе останат без електрична енергија во периодот од 09:00 до 14:00 часот.

Прекин на снабдувањето со струја ќе има во следните населени места:

Долно Палчиште – делови од селото во близина на бензинската пумпа „Нес Петрол“ Мала Речица – објекти во близина на Шулани Пирок – дел од селото кај влезот од автопатот ТЕ – ГВ Требош – делови во близина на центарот на селото

Од ЕВН апелираат до граѓаните да ги прилагодат своите активности согласно најавените прекини.

Согласно записникот од седницата на Комисијата за финансии и буџет на Советот на општина Битола одржана на ден 01.04.2025 година, Општина Битола, ги објавува резултатите од објавените јавни повици за:

• Јавен повик за доделување на финансиски средства од Буџетот на Општина Битола на здруженија на граѓани и фондации за 2025 година

• Јавен повик за поддршка на проекти и програмски активности на здруженија на граѓани/фондации кои работат во областа на еднаквите можности за 2025 година

• Јавен повик за финансиска поддршка на спортски клубови, спортски здруженија и индивидуални спортисти за 2025 година

Резултатите од наведените јавни повици, може да ги видите на следниот линк https://www.bitola.gov.mk/wp-content/uploads/2025/04/Rezultati.pdf.