Бујните зелени растенија се познати по тоа што неутрализираат негативна енергија во домот и привлекуваат благосостојба и богатство, според древните верувања.
Според фенг шуи, растенијата како „дрво на парите“ позитивно влијаат на работните способности и го зголемуваат приходот на сопственикот. Еве четирите најпознати растенија кои привлекуваат пари:
Красула (Crassula Ovata)
Красулата е едно од најпознатите растенија за привлекување пари, потекнува од Јужна Африка. Лисјата во овална форма личат на паричка. Како сукулент, бара специфична почва, слична на онаа за кактуси, и зимско мирување. Потребно е да се полева умерено, а температурата не смее да падне под 0°C.
Пахира (Pachira Aquatica)
Познато како „дрво на парите“, пахирата потекнува од тропските мочуришта на Америка. Може да достигне висина до два метра во домот и има три или повеќе испреплетени дрвја. Сака светли места, но не и директна сончева светлина. Потребна е редовна, но умерена наводнување, особено во зимскиот период.
Златен ползавец (Epipremnum Aureum)
Златниот ползавец е популарно декоративно растение кое брзо расте и привлекува просперитет. Се одржува лесно и не сака директна сончева светлина. Важно е да се внимава на количината на вода, бидејќи има мал корен и може да изгние ако се претерува со наводнување. Помага во чистењето на воздухот.
Кинески долар (Pilea Peperomioides)
Потекнува од Кина и е популарно во скандинавските земји. Сака редовно наводнување и светлина, но не и директно изложување на сонце. Се пренесува во домот на есен, бидејќи не преживува во текот на зимата надвор.
Овие растенија не само што ја подобруваат енергијата во домот, туку и привлекуваат богатство и среќа.
