Американската војска во петокот соопшти дека го убила водачот на ултрарадикалната сунитска терористичката групација Исламска држава во воздушен напад во Ирак.

Во координација со ирачките власти, САД извршија напад во четвртокот во кој беа убиени водачот на Исламската држава, Абдала Маки Мусли ал-Рифаи, познат како Абу Кадиџа, и уште еден оперативец, се вели во соопштението на американската Централна команда (CENTCOM) од петокот ноќта.

„Како емир на највисокото тело за одлучување на ISIS, Абу Кадиџа беше одговорен за операциите, логистиката и планирањето на ISIS ширум светот и управуваше со значителен дел од финансиите за глобалната организација на групата“, се вели во соопштението.

Командантот на CENTCOM, Мајкл Ерик Курила, изјави дека Хадија бил еден од најважните членови на глобалната организација Исламска држава.

„Ќе продолжиме да ги убиваме терористите и да ги уништуваме нивните организации кои ја загрозуваат нашата татковина и американскиот, сојузничкиот и партнерскиот персонал во регионот и пошироко“, рече Курила.

Кадиџа беше „неуморно ловен (и заробен) од бестрашните воини на Вашингтон“, напиша американскиот претседател Доналд Трамп на својата платформа Truth Social. „Неговиот мизерен живот беше завршен, заедно со уште еден член на ISIS, во координација со ирачката влада и курдската регионална влада. МИР НИЗ СИЛАТА!“, додава Трамп.

Видеото може да го погледнете тука

Земјите од Г7 (Канада, Франција, Германија, Италија, Јапонија, Велика Британија и САД) ѝ се заканија на Русија со нови санкции и дополнителна поддршка на Киев, доколку Москва не се согласи со предлогот за прекин на огнот на Соединетите држави, соопштија министрите за надворешни работи на Г7.

„Разговаравме за наметнување дополнителни санкции за Русија во случај да не биде договорен таков прекин на огнот, вклучително и ограничувања на цените на нафтата, како и дополнителна поддршка за Украина и други средства“, соопштија  министрите.

Членовите на Г7 „ја повикаа Русија да возврати со тоа што ќе се согласи на прекин на огнот под еднакви услови и ќе го спроведе целосно“. Министрите за надворешни работи, исто така, „ја истакнаа важноста на мерките за градење доверба во рамките на прекинот на огнот, вклучително и ослободување на воени затвореници и цивилни“.

Американскиот претседател Доналд Трамп го повика својот претходник, Џо Бајден, во објава на социјалните мрежи.

„Покварениот Џо Бајден не ја направи ситуацијата само со Русија хаотична, туку и со сите други! Милиони луѓе загинаа без причина и никогаш повеќе нема да се видат… И многу други ќе загинат ако не се постигне прекин на огнот и конечен договор со Русија.

Ако бев претседател, оваа војна воопшто немаше да се случи. Тоа е 100% сигурно. Немаше да има ниту настани како 7 октомври со Израел, ниту повлекување од Авганистан, кое беше најсрамниот ден за нашата земја. Наместо тоа, тоа можеше да биде момент на слава“, напиша Трамп на „Трут соушал“.

„Немаше да има забележлива инфлација. Наместо тоа, сега имаме рекордна инфлација која ја уништува земјата на начини кои досега не сме ги виделе“, додаде Трамп.

„Ќе имавме и непробојна граница, со многу малку илегални имигранти. Ах, каква разлика направија наместените и нефер избори, а оние кои тоа го направија треба да завршат во затвор!“, продолжи Трамп.

Оваа изјава доаѓа во момент кога се чека конкретен одговор од Русија дали ќе се согласи на 30-дневен прекин на огнот.

За време на состанокот со американските претставници во Џеда, Саудиска Арабија, Украинците изјавиле дека се подготвени да се согласат на прекин на огнот.