Каиро, Египет – Пратеничката Иванка Василевска, како член на Делегацијата на македонското Собрание во Интерпарламентарното Собрание на Православието (ИПС на Православието), оствари средба со Неговата Светост Тавадрос II, Папа Александриски и патријарх на Коптската Православна Црква за цела Африка. Средбата се одржа во неговата резиденција во Каиро, во рамките на пролетниот состанок на Генералниот секретаријат на ИПС на Православието.
На средбата присуствуваа и парламентарни претставници од Босна и Херцеговина, Бугарија, Кипар, Египет, Грција, Грузија, Јордан, Либан, Црна Гора, Палестина, Романија, Србија и Судан. Во придружба на шефот на македонската делегација, пратеникот Миле Талевски, Василевска му пренесе поздрави од поглаварот на Македонската православна црква, г.г. Стефан, и му подари примерок од Новиот Завет на македонски јазик.
Папата Тавадрос II со внимание го прими подарокот и забележа дека е на кирилица, истакнувајќи ја својата поддршка за православната заедница во Македонија. Тој испрати поздрави до архиепископот Охридски и Македонски, г.г. Стефан, нагласувајќи дека православната икумена во Македонија ќе биде дел од неговите молитви.
Во своето обраќање, Папата Тавадрос II зборуваше за историското значење на Коптската Православна Црква, нагласувајќи дека нејзините корени се поврзани со библиските пророштва, посетата на Светото семејство во Египет и мисионерската дејност на апостолот Марко во 1 век од новата ера. Тој исто така се осврна на значајната улога на коптското монаштво, иницирано од Свети Антониј во 4 век.
Како дел од активностите на пролетниот состанок на ИПС на Православието, беше организирана и презентација на Томот „Аја Софија – црквите на мудроста Господова низ светот“, преведен на арапски јазик.
Пратеничката Василевска ја оцени средбата како инспиративна и значајна, нагласувајќи дека православието претставува силна духовна врска која ги обединува народите, независно од нивните културни и национални различности.
Неговата Светост Тавадрос II, кој е на чело на Коптската Православна Црква од 2012 година, важи за духовен лидер кој активно работи на зајакнување на дијалогот меѓу христијанските заедници и заштита на верските права на коптската заедница во Египет и пошироко. Под негово водство, Црквата игра значајна улога во зачувувањето на православното наследство, како и во унапредувањето на меѓурелигискиот дијалог.
Коптите, кои претставуваат најголема христијанска заедница на Блискиот Исток, имаат богата историја која се протега повеќе од две илјади години. Со свои манастири, древни цркви и традиции, тие се клучен дел од културниот и духовниот мозаик на Египет. Нивната вера, изразена преку литургиските обреди, древната коптска азбука и посебниот стил на иконографија, е длабоко вкоренета во раното христијанство и претставува мост меѓу минатото и современиот православен свет.
Осум лица од тимот на „ДНК“ се помеѓу загинатите во пожарот во Кочани.
Покрај Андреј, починати се и музичарот Филип Стевковски, гитаристот Андреј Коларов, тапанарот Ѓорѓи Ѓорѓиев, придружниот вокал Сара Пројковска, тонецот Игор Велков, бит-боксерот Мартин Атанасовски – Буцо и Александар Ефремов, фотограф на „ДНК“.
Пејачот на „ДНК“, Владимир Блажев-Панчо има изгореници на лицето и на раката и е во болница.
На социјалните мрежи се шири апел за помош од донации, бидејќи ургентниот центар при Клиничка болница Скопје има недостаток на постелнини, чаршафи, кебиња и пижами.
Доколку сте во можност да донирате, поставен е штанд на Црвен Крст пред ургентен во Скопје.
Жална слика во градот кој жали најмногу. Телевизија Кочани објави неколку снимки на кои може да се види редица луѓе кои во Паркот на револуцијата чекаат да запалат свеќа за жртвите во страотниот пожар во дискотеката „Пулс“. Пожарот предизвикан од пиротехнички средства зеде 59 животи, додека 155 лица се хоспитализирани.
По кратка блокада на Кочанската болница роднините на загинатите решија да се повлечат и да дозволат телата на нивните деца да бидат однесени на обдукција.
Голем дел од родителите на хоспитализираните лица ноќта ќе ја поминат во Скопје бидејќи повеќе од 80 лица беа хоспитализирани во скопските клиники. Десетици лица со потешки повреди веќе беа пренесени во соседна Бугарија, Србија и Грција со итна помош од соседните земји за да добијат соодветен третман таму.