Македонија
Брзата помош и неколку болници во Грција се во состојба на готовност за прием на повредени со изгореници
Националниот центар за брза помош е во целосна оперативна готовност за транспорт и лекување на повредени со изгореници по барање на Македонија, напиша на платформата Икс, министерот за здравство на Грција Адонис Георгиадис и посочи дека четири болници во Атина и Солун се во состојба на зголемена готовност, јави дописничката на МИА од Атина.
Георгиадис објасни дека по барањето од нашата земја до Европскиот механизам за цивилна заштита, во тек се „сите неопходни активности и во тек е координација помеѓу грчкото Министерство за надворешни работи, Министерството за здравство, Министерството за климатски кризи и цивилна заштита и Здравствен оперативен центар на брзата помош со цел транспорт, прием и лекување на повредените со изгореници во соодветните здравствени центри во земјата“.
Според министерот за здравство на Грција врз основа на оперативниот план во состојба на зголемена готовност се три болници во Атина и една во Солун, што воедно се и едни од најголемите грчки болници.
– Општиот координативен центар на службата за брза помош веќе го стави во состојба на готовност неопходниот број амбулантни возила, кои ќе се користат во случај да се донесе одлука дополнителни повредени со изгореници да треба да се транспортираат во здравствените центри на националниот здравствен систем или на Министерството за национална одбрана во Атина, напиша Георгиадис на Икс.
Дополнително потсети дека во општата болница „Папаниколау“ во Солун веќе се хоспитализирани три лица со изгореници.
Како што претходно објави МИА, грчки владини извори брифираа дека во болницата Папаниколау во Солун и во воените болници во Атина и Солун, ќе бидат хоспитализирани 18 повредени со изгореници во пожарот во дискотеката во Кочани и дека по телефонскиот разговор меѓу министрите за надворешни работи на двете земји Јоргос Герапетритис и Тимчо Муцунски, „со координирани активности на Министерствата за надворешни работи, здравство, цивилна заштита и службата за итна медицинска помош, Грција ќе ги прими сите повредни со изгореници, како што било побарано од Европскиот механизам за цивилна заштита“.
Тројца повредени со амбулантни возила попладнево пристигнаа во Солун и се хоспитализирани во болницата Папаниколау, а според информациите на МИА, станува збор за две девојки и едно момче на возраст од 25, 26 и 19 години, кои се тешко повредени со големи изгореници, еден од пациентите беше опериран, а операција ќе биде потребна и за уште едно лица.
Македонија
Мицкоски: Утре започнува теренска контрола на сите субјекти регистрирани како кабаре, дискотеки или ноќни клубови
Во текот на утрешниот ден започнува теренска контрола на сите субјекти по што ќе се излезе со детални информации, најави вечерва премиерот Христијан Мицкоски по координативниот состанок со директорот на Државен пазарен инспекторат Влатко Стојкоски и министерот за економија и труд Бесар Дурмиши.
На состанокот се разговарало за досегашните постапки кои се преземани од надлежните институции и опсежната анализа за сите субјекти регистрирани како кабаре или дискотеки, ноќни клубови итн, соопшти владината прес-служба.
Премиерот Мицкоски уште вчера на прес-конференција во Владата најави дека ќе почне робусна акција на проверка на сите документи во угостителските објекти, по страотниот пожар во дискотека во Кочани, во кој досега загинаа 59 лица, а 155 се повредени.
-Почнува робусна акција во насока на проверка на сите документи, сите лиценци, сите дозволи за градба, сите дозволи за употреба, дозволи за работа, и убеден сум дека ќе најдеме стотици, десетици… Милиметар да недостасува ќе бидат затворени, тука нема да има милост кон никого, рече Мицкоски.
Истакна дека објектот каде што се случи пожарот имал фалсификувана лиценца за работа од датум 13 март 2024 година, потпишана од тогашната државна секретарка во Министерството за економија Размена Чекиќ Дуровиќ.
Два дена по трагедијата во Кочани, власта покажа како се справува со одговорните за пожарот. Истрагата е во тек и што е најважно таа е транспарентна. Нема криење од народот, секој заслужува да биди кој е виновен и кој однесе млади луѓе во смрт.
Што се знае до сега
Министерот за внатрешни работи Панче Тошковски на вчерашната прес конференција откри дека лиценцата за работа на дискотеката „Пулс“ во Кочани работела со фалсификувана лиценца издадена за мито од 200.000 денари.
200.000 денари, токлку вределе животите на младите кои дошле да се забавуваат а завршија во стампедо или задушени. Каде ќе им оди душата на тие нелуѓе.
Приведени се и поранешен државен секретар на министерство за економија, поранешен, мислам и сегашен раководител на еден сектор на министерството за економија, приведовме и поранешен директор на Дирекција за заштита и спасување и тројца вработени во рамки на дирекцијата.
Ова е само почеток. Како ќе се копа подлабоко којзнае што ќе излезе. Можеби ќе се појави и некој министер од претходната влада на СДСМ и ДУИ.
Македонија како држава мора да извлече поука од оваа трагедија. Ова треба да биде клучниот момент во кој ќе застанеме во борма против најголемиот непријател-корупцијата, од најниско до највисоко ниво. Толеранција не смее да има кон никого.
Македонија
ВИДЕО: Свештеник ја смири гневната толпа луѓе пред куќата на Градоначалникот Папазов во Кочани
Свештеник ја смири гневната толпа луѓе пред куќата на Градоначалникот Папазов во Кочани
Погледнете го видеото:
-
Република5 days agoТри сестри од кривопаланечкото село Жидилово ќе останат без 493 крави, ради политички реваншизам !!!
-
Македонија1 day agoСопственикот на дискотеката во Кочани приведен
-
Црна Хроника5 days agoТрагедија во Тетово: Прегазена 18-годишна девојка, возачката избегала!
-
Македонија1 day agoПриведен Александар Карадакоски, газда на фирмата што раководела со „Пулс“
-
Македонија1 day agoХеројот што не ја напушти дискотеката: Виктор Јорданов загина спасувајќи животи (Видео)
-
Македонија21 hours agoОсуммина членови на бендот на ДНК загинаа во пожарот во Кочани
-
Македонија1 day agoЕве чив потпис стои на последната лиценца за кочанската дискотека
-
Македонија1 day ago(Видео) Панчо од ДНК кој настапуваше во Кочани има изгореници по лицето и е на кислородна поддршка