Вчера беше погребан Илчо Гоцевски од Звегор, Делчево, со живеалиште во Кочани, возачот на Итна медицинска помош во Кочани, кој почина на спиење, кобниот ден возел 11 пати до Скопје и работел 32 часа

„Тој беше херојот на транспортот на повредените деца од фамозната НЕ ДИСКОТЕКА. 11 пати имаше отидено за Скопје во кобниот ден. Помагаше и во пронаоѓање и препознавање на изгорените деца, како и транспортирање на истите до одредена дестинација. Денеска немаше никој што да каже за човекот, кој после 32 часа работа, заспа од умор и никогаш не се разбуди“ изјави близок човек на Илчo за delcevo365.mk.

Многу ладните утра ќе ги имаме и понатаму, па така во следниот период, во утринските часови ќе имаме многу ладно време со температури кои насекаде ќе се спуштаат под нулата, на повеќе места тие ќе се спуштаат и под -5 степени, додека во делови од Македонија, особено во повисоките населени места, планините, Скијачките центри, како и во Беровскиот регион тие ќе се спуштаат до околу, па и под -10 степени.

Во Скопскиот регион температурата наутро ќе се спушта до околу -5 степени.

Максималните дневни температури пак во следниот период ќе бележат тенденција на голем пораст, и особено од утре (четврток 20 март) па во деновите потоа ќе се искачуваат во интервалот од 15 до 24 степени. Времето ќе биде претежно сончево, со појава на мала локална облачност. Ќе дува слаб до умерен ветер, најпрвин од северен, а потоа од јужен и од југоисточен правец.

Токму поради очекуваните многу ниски минусни температури на воздухот, ги советувам и предупредувам земјоделците, навремено да си ги заштитат своите земјоделски култури, а особено овошките, и тоа поради што се во фаза на големо будење и расветување, поради невообичаеното топло време кое го имавме во изминатиот подолг период во нашата Република Македонија.

Претставниците на коалицијата ВЛЕН одржаа почит во чест на трагично изгубените животи во Кочани. Во општините каде што раководиме, со длабока болка и голема почит, со молчење се поклонивме да ја изразиме нашата солидарност со семејствата на жртвите и со сите погодени од оваа трагедија.

Оваа катастрофа го потресе секое срце и го допре секое семејство, без разлика на нашата етничка припадност или на јазикот што го зборуваме. Денеска сме обединети во болка и во спомен на оние кои повеќе не се со нас. Ова е момент кој не потсетува на вредноста на животот и важноста на меѓусебната поддршка во тешките денови.

Во овие моменти на жалост, нашите мисли и молитви се со семејствата на жртвите и со сите оние кои се соочуваат со последиците од оваа трагедија. ВЛЕН стои покрај нив, споделувајќи ја болката и силата да се справи со оваа тешка загуба.

Нашата коалиција се води од принципот на солидарност и хуманизам и во овие тешки моменти ја потврдуваме нашата посветеност да бидеме блиску до граѓаните, не само во моменти на радост, туку и во моменти на тага.