Газда на објект пријавил дека неколку лица се обиделе да му изнудат пари. Шемата е доста позната во Македонија и е плаќање на вид на рекет. Доаѓаат лица и нудат да го обезбедуваат објектот. Во конкретниот случај, лицето ги одбило, ама затоа било натепано. И потоа, прифатил, па пријавил во полиција.

„На 26.03.2025 во 20.40 часот во Прилеп, полициски службеници од ОВР Прилеп го лишиле од слобода Р.Р.(53) од Прилеп поради постоење основи на сомнение за сторено кривично дело по член 258 од Кривичниот законик. Претходно, истиот ден во 08.00 часот во ОВР Прилеп, 54 – годишен сопственик на угостителски објект во Прилеп пријавил дека со физички напад и закани, С.Р. и А.Т., двајцата од Прилеп, му изнудиле пари кои ги земал приведениот Р.Р., татко на С.Р..
Имено, на 20.03.2025, С.Р. и А.Т. дошле во неговиот угостителски објект, физички го нападнале и со закана барале од него месечно да им дава 400 евра за да му го обезбедуваат објектот. 

Најпрвин ги одбил, но после тоа, тие уште неколку пати доаѓале во објектот, му се заканувале и му барале пари, при што С.Р. му рекол дека парите ќе ги зема неговиот татко Р.Р.. На 24.03.2025 тој се договорил со Р.Р. дека ќе му ги даде парите на 26.03.2025, а откако ги зел парите, Р.Р. бил лишен од слобода и приведен во полициска станица.

После тоа, со судска наредба, полициски службеници од ОВР Прилеп извршиле претреси во домовите на тројцата, при што биле пронајдени и одземени предмети за кои постои сомнение дека потекнуваат од кривични дела. Од страна на судија на претходна постапка на Р.Р. му била определена мерка притвор од 30 дена и бил спроведен во казнено – поправна установа за издржување на мерката. Исто така, мерка притвор од 30 дена во отсуство била одредена и на С.Р. и А.Т.“, велат од МВР.

На 28.03.2025 во 00.30 часот во СВР Тетово, Н.Б.(51) од Тетово пријавила дека од домот се оддалечила нејзината ќерка А.Б.(19). Според пријавеното, можно е да заминала заедно со лицето Е.С.(23) од Скопје. 

На 27.03.2025 во 19.15 часот во трговски центар во Тетово, полициски службеници од СВР Тетово го привеле А.С.(18) од с.Добарце, постапувајќи по претходна пријава дека во 18.40 часот заедно со неколку малолетници извршил кражба во продажен објект во трговскиот центар. Тој е задржан во полициска станица и по документирање на случајот ќе му биде поднесена соодветна пријава.