Масар Омерагиќ, новиот преседател на ФФМ, гостуваше на Daily Click на ТВ 21 и обелодени многу теми поврзани со состојбата во ФФМ. Беше запрашан за состојбата во соблекувалната, македонските лиги, мапирањето на младите таленти, како и лажно креирање тензии на поранешни соработници во ФФМ.
„Добив информација дека на косовската телевизија, лице кое било вработено во ФФМ како надворешен соработник, дека бил и последен портпарол Албанец. Како прво, тоа лице никогаш не било портпарол, туку бил заменик портпарол и бил солидно платен за таа функција, што е заменичка – многу повисоко од платите на одредени вработени во федерацијата.“ објасни Омерагиќ.
„Со лажни изјави, непотребно се пумпа негативна енергија дека се трга некој поради една или друга работа. Тоа е невистинито и како надворешен соработник земал солиден паушал, речиси илјада евра, а да отидеш во соседна држава дека си првиот и последниот што бил на таа функција е невистинито и лажно, и во најмала рака некоректно“ заокружи новиот претседател на ФФМ, адресирајќи ги лажните изјави кои сакаат да креираат раздор во јавноста.

Фудбалскиот клуб „Рокдејл Илинден“ од Австралија, заедно со своите партнерски организации, собра вкупно 87.100 австралиски долари како помош за семејствата на жртвите и повредените во трагичниот пожар во Кочани. Собраните средства ќе бидат префрлени на индивидуалните банкарски сметки на погодените семејства во наредните денови.

Од клубот изразија благодарност до бројните поддржувачи и корпоративни партнери кои учествуваа во оваа хуманитарна акција, како и до здруженијата што дадоа значителен придонес:

• Австралиско-Македонското здружение „Методија Андонов – Ченто“ – Сиднеј

• МКУД „Илинден“ – Сиднеј

• Здружението „Мариово“ – Сиднеј

• ФК „Бенкстаун Сити Лајонс“

„Оваа огромна иницијатива немаше да биде можно без поддршката од нашите членови, навивачи и хуманитарни организации. Им благодариме на сите што присуствуваа на натпреварот минатата недела и донираа за оваа благородна кауза“, соопшти клубот.

„Рокдејл Илинден“ испрати молитви и искрено сочувство до семејствата и блиските на загинатите во оваа трагедија.

Сопругата на фудбалската ѕвезда Лионел Меси, Антонела Рокуцо, присуствуваше на престижен настан, кој го привлекол вниманието на сите, но главната ѕвезда била познатата манекенка Адријана Лима. Сепак, Антонела успеа да привлече своја внимателна публика со својот изглед.

Антонела не е честа фигура во медиумите и се одликува со скромност кога станува збор за јавниот живот. За оваа прилика, таа избра елегантен, но малку провокативен фустан, што не е типично за нејзиниот стил.

Антонела позираше во беж фустан со впечатлив отвор на стомакот и истакнато деколте, додека фустанот имаше интересни набори на предниот дел. Со едноставна огрлица и насмевка на лицето, таа позираше пред бројните фотографи.

Недавно, Антонела беше во фокусот на вниманието поради фотографијата со Меси на која се појави во бикини, што стана една од најпребаруваните фотографии на социјалните мрежи. Антонела и Лионел Меси се сметаат за еден од најомилените парови денес, а таа важи за една од најубавите сопруги на фудбалерите. Тие се познаваат од детството, а нивната врска започнала уште во училишните денови. Во брак се повеќе од 15 години и имаат три сина.