Има и деца и возрасни на респираторно дишење. Сите се третирани според сите правила. Раните се стабилни, но најтешка околност е вдишувањето на гасови во белите дробови. Сите останати се на спонтано дишење, двајца се екстубирани, веќе не се на механичка вентилација. Можеме да кажеме дека се во добра состојба на апарати за дишење.

Ова го изјави министерот за здравство на Бугарија, доц. д-р Силви Кирилов за настраданите од дискотеката во Кочани кои беа примени во бугарските болници. Во Бугарија се лекуваат 15 лица. Само двајца од нив се постари од 30 години. Петмина се помлади од 18 години.

„Рано е да се зборува за испуштање, бидејќи прво – имаме отворени рани кои се лечат и најверојатно ќе биде потребна пластична хирургија, и второ – има оштетување на белите дробови и се уште е рано да се каже што, кога и како ќе се случи. Имаме уште многу долг пат“, рече министерот Кирилов.

Раните се стабилни, но најголем проблем претставува вдишувањето на гасови во белите дробови, изјави Силви Кирилов, министер за здравство на соседна Бугарија.

„Има деца и возрасни на механичка вентилација. Сите се третирани согласно протоколите. Раните се стабилни, но најголемото оптоварување е вдишувањето на гасови во белите дробови. Останатите пациенти дишат самостојно, а двајца се веќе екстубирани и не се на апаратна вентилација. Можеме да кажеме дека се во добро општо здравје. Оние кои се на апаратна вентилација се во стабилна, но сериозна состојба“, рече министерот за здравство доц. д-р Силви Кирилов, говорејќи за повредените во трагедијата во дискотеката во Кочани, кои се лекуваат во болниците во Бугарија. Во земјата се лекуваат 15 лица, од кои двајца се над 30 години, а пет се малолетни.

„Прерано е да се зборува за отпуштање на пациентите, бидејќи има отворени рани кои се третираат и има веројатност да има потреба од пластични реконструкции. Исто така, има оштетувања на белите дробови, па е рано да се каже што и кога ќе се случи. Нè чека долг пат“, изјави министерот Кирилов.

Во време на тага и неизвесност, кога секоја капка надеж значи живот, граѓаните на Благоевград ја покажаа својата најголема сила – хуманоста. Со трогателна солидарност и отворено срце, тие масовно се одзваа на акцијата за дарување крв за македонските младинци повредени во трагичниот пожар во дискотеката „Пулс“ во Кочани.

„Никогаш досега не сум видела ваква мобилизација на луѓе. Тоа е нешто што не се заборава,“ изјави со емоции д-р Бојка Маринова, раководителка на одделението за трансфузиона хематологија во МБАЛ – Благоевград. Таа пренесе дека за само два дена, речиси 200 луѓе дарувале крв – подвиг што го нарече без преседан во својата медицинска кариера.

Првиот ден, над 80 дарители подадоа рака на македонските деца, а веќе следниот – уште 100 луѓе чекале ред, подготвени да помогнат. Интересот бил толку голем, што болницата останала без доволно банки за чување на крвта, по што веднаш била испратена итна пратка кон Софија за дополнителни резерви. Но и покрај тоа – луѓето не заминале. Останале да прашаат како можат да помогнат и кога да се вратат.

„Ова не е само дарување крв. Ова е љубов. Ова е братство. Ова е човештина што допира до срце,“ рече д-р Маринова, потсетувајќи дека слична акција имало само при експлозијата во рудникот Ораново во 2007 година – но и таа, како што вели, бледнее во споредба со сегашната.

Центарот за крводарителство во Благоевград останува отворен од 07:30 до 13:30 часот во наредните денови, бидејќи желбата за помош не стивнува. Градот покажа дека хуманоста не познава граници, јазици или националности – дека болката на другите е и наша болка, а надежта е најубавиот подарок што можеме да го споделиме.

Во овие моменти, светот стана малку поубав – благодарение на луѓето што го носат доброто во своето срце.