Нова снимка од пожарот во дискотеката „Пулс“ во Кочани се појави на социјалните мрежи.

На видеото се гледаат првите моменти кога започна пожарот, а луѓето во паника се обидуваат да излезат од објектот.

„Излегувај, се запали Пулс“, се слуша на снимката.

Во трагичниот пожар загинаа 59 лица, а повеќе од 180 беа повредени.

Два месеци се трага по младиот Миле Тодоров, а семејството и пријателите неутешни бараат помош во потрагата за момчето од Неготино.

Неговата сестра Марија Атанасиевиќ, се огласи на Фејсбук со нов статус.

– Од 30-ти јануари е исчезнат брат ми Миле Тодоров (28), од тогаш нашето семејство живее во агонија. Апелираме доколку некој има било каква информација, да не се двоуми и да каже што знае. Последната трага е забележан од камери, но и од очевидци, како пеш од Кавадарци се упатува кон Неготино, последен пат виден кај Марена, каде беше пронајден и неговиот мобилен телефон. Миле е високо момче со спортска градба, со зелени очи и светло кафеава коса, последен пат забележан облечен во работничка облека сиви панталони, бело палто и црн елек, напиша сестрата на исчезнатиот Македонец. 

Миле Тодоров од Неготино последен пат е виден на 30 јануари кај село Марена, Кавадарци, околу 10 часот, во црно работничко одело со бело палто и црн елек. Досега најден е само неговиот телефон, личната карта и пасошот му се дома.

Тој е висок околу 185 сантиметри.

Филип Илијев е еден од хероите кои се истакнале за време на трагичниот пожар во дискотеката Пулс во Кочани.

Во моментот кога избувнал пожарот, Филип бил дома, но кога ја видел страшната сцена, не се двоумел и веднаш отишол да помогне. Заедно со својот татко, кого го разбудил, цела ноќ давале прва помош и носеле повредени лица до амбулантата.

Во видео изјавата за SupportKochani, Филип упати апел до сите блиски да не ги прашуваат за настанот и да не ги потсетуваат, бидејќи тоа може да предизвика психолошки проблеми и панични напади.

„Сликата беше страшна… Луѓето изгледаа… не можам да најдам зборови кои ќе ја опишат таа сцена“, изјави Илијев.