Папата Франциско беше отпуштен од римската болница „Џемели“ во неделата по повеќе од пет седмици хоспитализација поради двостано воспаление на белите дробови.

„Ви благодарам на сите“, рече тој со тивок глас за време на краткото појавување во инвалидска количка на балконот на болницата „Џемели“ пред да биде отпуштен од болница.

Папата Франциско, кој има 88 години, беше хоспитализиран на 14-ти февруари поради тешка респираторна инфекција.Тоа е неговата најсериозна здравствена криза за време на неговото дванаесетгодишно папство.

Лекарите на папата во саботата рекоа дека ќе му треба „многу повеќе време“ за целосно да закрепне и му наредија да помине дополнителни два месеци одмарајќи се во Ватикан.

Автомобилот во кој се наоѓаше папата Франциско ја напушти болницата во неделата рано попладнето, придружуван низ Рим од конвој полициски возила.

Папата Франциско во неделата повика на „итно“ запирање на израелските напади врз Појасот Газа, како и продолжување на дијалогот за да се постигне ослободување на „сите заложници“ и „дефинитивен прекин на огнот“.

„Тажен сум поради обновувањето на интензивното израелско бомбардирање на Појасот Газа, кое предизвика толку многу смртни случаи и повреди“, напиша папата Франциско во својата неделна молитва Ангел Господов.

Папата ги повика и Ерменија и Азербејџан да го потпишат неодамна преговараниот мировен договор „што е можно поскоро“ по децении конфликт.

Украинските сили побегнале од руската област Курск во паника по молскавичниот продор на руските сили во нивната одбранбена линија, пишува „Волстрит журнал“.

Според весникот, теренските команданти на украинските единици им наредиле на своите подредени да се повлечат, дури и пред да добијат наредби од повисоките офицери.

Ситуацијата била критична за украинските сили во Курск, и тоа уште пред маневрите на руските војници во близина на гасоводот. „Не можевме повеќе да издржиме“, изјавил еден од украинските наредници за весникот.

Украинските лекари забележуваат дека, поради големиот број руски беспилотни летала, многумина при брзото повлекување заборавиле да ја проверуваат подлогата, што довело до тоа да бидат повредени или убиени од мини.

Русија изгубила 903.480 војници од почетокот на инвазијата на Украина, соопшти Генералштабот на вооружените сили на Украина.

Таа бројка, како што додаваат, вклучува 1.470 руски загуби во последните 24 часа.

Според податоците од генералштабот на украинската армија, украинските сили од почетокот на војната уништиле повеќе од 10,412 тенкови од кои 9 во последните 24 часа. Украинските сили од почетокот на војната собориле 30.495 беспилотни летала од кои 157 во последните 24 часа.

Украинците исто така потврдија дека уништиле 3121 крстаречка ракета но и повеќе од 25.000 артилериски системи, 28 воени бродови, 1 подморница, повеќе од 41.000 возила и резервоари за гориво, 1116 против-воздушни системи, но и разновидна специјална опрема.