Магазин

Не беше ни Џенифер, ни Анџелина – оваа актерка откри зошто раскинала со Бред Пит по 27 години тајност

Додека се подготвува да се врати на големото платно во филмот „Marty Supreme“, каде глуми со Тимоти Шаламе, Гвинет Палтроу се осврнала за една од најпознатите љубовни приказни од 1990-тите – нејзината врска со Бред Пит. Во интервју за „Венити фер“, актерката, која исто така беше со уште еден холивудски заводник – Бен Афлек, се присетила колку нивната врска била под лупата на јавноста.

„Тоа беше како да излегувам со принцот Вилијам или со некој сличен“, рекла оскаровката, алудирајќи на вниманието што го привлекувала нивната романса. „Секогаш ќе се зборува за тоа“.

И навистина, Гвинет и Бред беа олицетворение на холивудскиот гламур – таа млада ѕвезда во подем, а тој етаблиран заводник. Кога се запознале, таа имала 22, тој 29, а нивната љубовна приказна изгледала како бајка.

Љубовта започнала на снимањето

Нивната романса започна во 1994 година на снимањето на трилерот „Седум“, кој подоцна ќе стане култен филм. Искрата веднаш се запали, а нивната врска набрзо прерасна во сериозна љубовна приказна.

Во ноември 1996 година, парот ја објави својата свршувачка, на задоволство на милиони фанови. Меѓутоа, само неколку месеци подоцна, во јуни 1997 година, тие донесоа изненадувачка одлука – раскинаа, без објаснување.

Тешко раскинување и нови животни поглавја

Раскинувањето било особено болно за Гвинет. Таа подоцна признала дека во тој период сериозно размислувала да се откаже од улогата во филмот „Вљубениот Шекспир“, кој подоцна и го донесе Оскарот за најдобра женска улога.

„Бев целосно уништена“, признала Гвинет во интервјуто за „Вариети“.

„Помислата да одам во Англија, далеку од сè, беше застрашувачка. Но, кога го прочитав сценариото, знаев дека морам да ја прифатам улогата“.

Нејзината одлука се исплатеше – филмот стана огромен хит, а таа освои и Оскар, Меѓутоа, во тој период, далеку од Холивуд, таа мораше да се справи со сопствените емоции и да го преболи љубовниот крах со Бред Пит.

Повторно пријателство и убави спомени

Со текот на времето, тие успеаја да го надминат минатото и да остварат пријателски однос.

„По раскинувањето, извесно време не бевме во контакт“, рекла Палтроу. „Но, пред околу 18-19 години, повторно се поврзавме и оттогаш останавме блиски“.

Денес, Гвинет не го крие воодушевувањето од нејзиниот поранешен свршеник. Зборувајќи за „Ентертејмент тунај“, таа топло зборувала за него: „Го обожавам. Тој е неверојатен човек – паметен, креативен, голем претприемач и едноставно добар човек. Јас сум негов огромен обожавател“.

Иако нивните животи тргнаа по различни патишта – Палтроу стапи во брак со Крис Мартин од „Колдплеј“, со кого се разведе, па ја најде среќата со Бред Фалчук, додека Пит зад себе има турбулентен љубовен живот, пропаднатите бракоив со Џенифер Анистон и со Анџелина Џоли – едно е сигурно: нивната приказна засекогаш ќе остане дел од холивудската историја.

Магазин

Скандал на Евровизија: Победникот од 2024 го врати трофејот – Ова е причината

Победникот на Евровизија 2024, Немо од Швајцарија, соопшти дека го враќа трофејот по одлуката на Европската радиодифузна унија (ЕБУ) да му овозможи учество на Израел на следното издание на натпреварот. Одлуката предизвика лавина реакции и осуди од поранешни учесници и победници на Евровизија ширум Европа.

„Евровизија се претставува како натпревар што се залага за единство, инклузија и достоинство за сите. Токму овие вредности ми дадоа смисла на целата приказна. Но фактот дека Израел сè уште учествува – во време кога Независната меѓународна истражна комисија на ООН заклучи дека таму се случува геноцид – покажува длабок јаз помеѓу овие идеали и одлуките на ЕБУ“, напиша Немо на Инстаграм.

Поради учеството на Израел, до овој момент пет земји официјално најавија бојкот на натпреварот во 2025 година.

Следното, 70. издание на Евровизија ќе се одржи во Виена, Австрија. Македонија не учествува на натпреварот веќе неколку години.

Магазин

„Kids Disco“ – поради огромен интерес, се отвора уште едно шоу на 28 декември во МКЦ

Скопје, декември 2025 – Предновогодишната магија за најмладите добива уште едно продолжение. Првото издание на „Kids Disco“, кое ќе се одржи на 28 декември во Младинскиот културен центар (МКЦ), е целосно распродадено во рекордно краток рок, што уште еднаш потврдува дека овој концепт прераснува во најбараниот детски настан во градот.

Поради големиот интерес и на бројните барања од страна на родителите, организаторите донесоа одлука да отворaт уште едно дополнително шоу на истата дата – 28.12.2025 година, со почеток во 14:00 часот.

„Kids Disco“ е внимателно осмислено интерактивно шоу наменето за деца од 2 до 12 години, кое комбинира музика, танц, анимација и визуелна магија. Програмата вклучува Kids DJ, маскоти, 3D анимации, професионални аниматори, како и Magic & Clown Show, создавајќи безбедна, весела и незаборавна атмосфера за најмладата публика.

Настанот претставува уникатна можност за децата да ја доживеат новогодишната еуфорија преку игра, музика и заедничка радост, а за родителите – сигурен и квалитетен настан организиран по највисоки стандарди.

Влезници за второто шоу се веќе пуштени во продажба и се достапни преку платформата www.kupikarta.com.

Организаторите апелираат родителите навреме да обезбедат билети, со оглед на исклучително брзата продажба на првото шоу.

Магазин

Приватност на која можете да сметате: Secure Folder и Knox

Нека вашиот дигитален живот биде безбеден — од лозинки до фотографии од миленици.

Вашиот паметен телефон во суштина е ваш личен центар за податоци – во него се чува сè: од авионски карти и податоци за кредитни картички до илјадници фотографии од вашето куче (или маче). Secure Folder, заштитен со Samsung Knox, ви нуди приватен, шифриран простор каде што можете безбедно да ги зачувате сите тие податоци, далеку од љубопитни очи.
Тоа е како скриен сеф во вашиот телефон каде само вие можете да пристапите преку отпечаток од прст или лозинка.

Скопје, 11 декември 2025 – Под хаубата, Samsung Knox користи безбедност на одбранбено ниво, во која веруваат компании и институции ширум светот. Така, дури и кога го споделувате телефонот за да покажете некоја фотографија, можете да бидете сигурни дека останатите податоци остануваат недостапни за другите. Всушност, Samsung Knox е толку моќен што имате заштитен телефон на одбранбено ниво внатре во вашиот телефон, што ви овозможува да преземете уште еден сет апликации во рамките на Knox профилот, кои се безбедно зачувани под лозинка или преку сензорот за отпечаток од прст.

Затоа Samsung Knox е идеален кога го користите приватниот телефон за деловни цели, бидејќи приватните апликации ги чувате надвор од Knox контејнерот, а деловните апликации се заштитени на вашиот приватен телефон или обратно — приватните се заштитени, а деловните се на главниот профил, во зависност од ИТ политиката на вашата компанија.

Совршена комбинација: Galaxy A serija i Galaxy S25 FE ја донесуваат оваа корпоративна заштита до уште поголем број луѓе – совршена за приватни телефони што се користат за работа, со сигурни перформанси, долготрајна батерија и дури шест години OS ажурирања за серијата Galaxy A и седум години за моделот S25 FE.

Сè уште немате Samsung Galaxy телефон или имате постара генерација на Galaxy модел? Samsung ве поканува да ја преземете апликацијата Try Galaxy и да ги испробате најновите функции на Galaxy паметните телефони директно на екранот на вашиот сопствен уред.

###

За компанијата Samsung Electronics Co., Ltd.

Samsung го инспирира светот и ја обликува иднината со револуционерни идеи и технологии. Компанијата го редефинира светот на телевизорите, дигиталните екрани, паметните телефони, носливите уреди, таблетите, домашните апарати и мрежните системи, како и решенијата за меморија, системските LSI решенија и производството на чипови (foundry). Samsung напредува и во областа на медицинската визуелизација, решенијата за греење, вентилација и климатизација (HVAC), како и во роботиката, додека преку компанијата Harman создава иновативни производи за автомобилската индустрија и аудио-технологиите. Со својот екосистем SmartThings, отворена соработка со партнери и интеграција на вештачката интелигенција низ целиот производен опсег, Samsung овозможува поврзано и интелигентно корисничко искуство. За најнови вести, посетете ја страницата Samsung вести на news.samsung.com.