Во Појасот Газа, Палестинците продолжуваат со протестите против терористичката група Хамас, извикувајќи „Хамас се терористи“. Протестите, кои траат веќе трет ден во северниот дел на Газа, се насочени против продолжувањето на конфликтот и разурнувањата предизвикани од војната.

Портпаролот на Хамас, Басем Наим, изјави за катарскиот канал „Ал Араби“ дека протестите против војната не се неочекувани, но нагласи дека тие всушност се насочени против Израел. Според него, оние кои протестите ги опишуваат како антивладини, всушност работат во корист на странски интереси.

Демонстрациите се одржуваат во градовите Беит Лахија, Шеџаија и Џабалија, каде што учесниците повикуваат на крај на војната и бараат Хамас да се откаже од контрола врз Газа. Протестантите носат транспаренти со натписи како „Сопрете ја војната“, „Сакаме да живееме во мир“, и „Хамас надвор!“.

Потсетуваме,на 7 октомври 2023 година, Хамас изврши напади на јужен Израел, што доведе до почеток на војната. Хамас бара формирање на независна Палестина со Ерусалим како главен град и ослободување на палестинските затвореници од израелските затвори.

На почетокот од своето обраќање на форумот за Арктикот, рускиот претседател Владимир Путин упати неколку интересни коментари во врска со повторените изјави на Доналд Трамп за можноста за преземање на Гренланд од страна на САД.

Путин истакна дека овие амбиции не треба да се потценуваат и треба да се сфатат сериозно.

„Би било голема грешка да се мисли дека овие изјави се само ексцентрични ставови на новата американска администрација. Тие не се такви“, нагласи тој.

Тој потсети дека САД првпат предложиле слични планови во 1860-тите години, но тогашниот предлог за анексија на Гренланд и Исланд бил одбиен во Конгресот.

„Овие планови имаат длабоки историски корени и јасно е дека САД ќе продолжат да ги промовираат своите геополитички, воени и економски интереси во Арктикот. Што се однесува до Гренланд, сметам дека тоа е прашање што ги засега само двете држави и нема никаква врска со нас“, изјави Путин.

„Сепак, ние сме загрижени поради фактот што земјите од НАТО се повеќе го гледаат Далечниот Север како потенцијално поле за конфликт“, заклучи рускиот претседател.

Украинскиот претседател Володимир Зеленски изјави дека Русија не покажува интерес за мир, туку напротив, продолжува со тактики на одолговлекување за да заземе уште поголема територија во Украина. Оваа изјава доаѓа по завршувањето на самитот во Париз на коалицијата на подготвените, каде што повеќе од 30 сојузнички држави на Киев повеќе од три часа разговараа за безбедносните гаранции за Украина.

Меѓу можните опции кои се разгледуваа беше и распоредување на европски мировни сили како дел од идна мировна спогодба, иако засега тоа е само хипотетска можност. Зеленски нагласи дека руските услови за прекин на огнот во Црното Море се „нереални“ и предупреди дека евентуално укинување на санкциите кон Москва би било „катастрофа за дипломатијата“.

Самитот во Елисејската палата е уште еден обид на западните сојузници да ја зајакнат поддршката за Украина во услови на продолжени воени тензии и неизвесност околу идните мировни иницијативи.