Јутјуберот Невен Јовановиќ прошетал низ Белград прашувајќи ги младите кој е Тито, а нивните одговори ги изненадиле многумина. Меѓу најчестите одговори беа: „Некој сериозен тип“, „Конзул“, „Маршал“, но еден навистина го шокирал – „Ах, оној филм Титаник бил базиран на него“.

Некои од анкетираните признале дека не учеле историја, а само еден точно го знаел Тито. Реакциите под видеото биле полни со изненадување, а многумина се запрашале дали овие деца имале историја на училиште.

„Тито, не гледај ваму долу“, „Ова со Титаник треба да добие награда“ биле дел од коментарите.

Погледнете го видеото во продолжение:

 

View this post on Instagram

 

A post shared by Neven Nevenclips Jovanovic (@1man)

Протестите во Турција не се смируваат, а неодамнешна снимка од улиците покажува кои се сè приклучиле на борбата против претседателот Реџеп Тајип Ердоган. Турците се незадоволни од политичката ситуација во земјата, а вестите за апсењето на градоначалникот на Истанбул, Екрем Имамоглу, само ја влошија ситуацијата.

Луѓето, како знак на протест против политиката на Ердоган и обвинувањата на неговиот најголем противкандидат на претседателските избори, одлучија да излезат на улиците и да го покажат своето незадоволство. Меѓу големиот број на луѓе се нашол и популарен лик од анимираната серија Покемон.

Меѓу демонстрантите се истакнал еден во неговиот костим, а снимката од неговото трчање навистина е урнебесна. Видеото од протестот, наречено “Пикачу се приклучи на востанието против Ердоган”, освои социјални мрежи и покажа како популарниот лик е и дел од турската борба.

Пикачу е само еден од десетиците илјади Турци кои излегоа на улиците во главно мирни протести кои траат од среда. Турските власти приведоа 343 лица за време на ноќните протести во неколку градови, а Републиканската народна партија (CHP) на Имамоглу, која е главна опозициска партија, ги повика своите поддржувачи на законски протести.

Погледнете го видеото:

BREAKING:

Pikachu has joined the anti-Erdogan uprising pic.twitter.com/Eml3CuT0yn

— 𝗡𝗶𝗼𝗵 𝗕𝗲𝗿𝗴 ♛ ✡︎ (@NiohBerg) March 27, 2025

Во Босна и Херцеговина најтешката ситуација се бележи во подрачјето на Сански Мост, каде што е прогласена состојба на елементарна непогода.

Поради дождовите кои не престануваат, многу улици во Бања Лука се под вода, а поплавени се и тротоарите. Во градот се поплавени и бројни гаражи, а најкритична е ситуацијата во населбата Лазарево, каде што водата ги зафати куќите, а во некои делови на населбата има отсечени домаќинства.

Поради покачувањето на водостојот на реката Врбас, затворен е сообраќајот над Трнски мост во Лакташ.

Исто така, поради наглото покачување на водостојот на реката Сава и нејзините притоки, која се излеала во неколку населени места, во Градишка е прогласена вонредна состојба. Во некои училишта во Градишка денеска е откажана наставата.

По наглото надоаѓање на реките Велика и Мала Усора, граѓаните во Теслиќ се соочуваат со проблеми од поројни дождови, а наставата во училиштата таму е прекината.

Во Босанска Крупа, реката Крушница и неколку потоци се излеале, поплавувајќи земјоделски површини и помошни објекти.