Магазин

Оваа секојдневна навика го зголемува ризикот од рак за цели пет пати: Обидете се, да се откажете од оваа штетна навика

Според најновото истражување спроведено од американски научници, редовното консумирање на само 250 милилитри засладен газиран пијалок дневно може да го зголеми ризикот од развој на орален рак за дури пет пати.

Научниците анализирале податоци од повеќе од 160.000 жени и откриле дека тие кои често пиеле засладени газирани пијалаци имаат значително поголем ризик да развијат орален карцином во споредба со оние што ги пиеле помалку од еднаш месечно. Овие резултати би можеле да помогнат во објаснувањето на зголемувањето на бројот на случаи на орален рак, особено кај жените, во последните години. Меѓутоа, истражувачите напоменуваат дека се потребни дополнителни студии за да се извлечат конечни заклучоци, пишува Daily Mail.

Како засладените пијалаци влијаат на оралното здравје?

Иако механизмот не е целосно разјаснет, научниците веруваат дека сирупот од пченка со висока фруктоза, честа состојка во газираните сокови, може да игра важна улога. Овој вид шеќер е поврзан со болести на непцата и може да го наруши балансот на бактериите во устата, што потенцијално може да предизвика воспаление и промени во клетките кои стануваат канцерогени.

Дури и кај жените кои не пушат и не пијат алкохол, два од најпознатите фактори на ризик за орален рак, зголемениот внес на засладени пијалаци останал значаен фактор на ризик.

Симптоми на кои треба да внимавате

Раните симптоми на орален рак често може да останат незабележани. Некои од знаците за предупредување вклучуваат:

Чирови на устата кои не заздравуваат по три недели

Засипнатост и тешкотии при голтање

Грутки или отоци во усната шуплина

Црвени или бели дамки на мукозната мембрана

Опуштени заби без јасна причина

Ако забележите некој од овие симптоми, се препорачува итна посета на лекар или стоматолог.

Колку шеќер е премногу?

Националната здравствена служба на Велика Британија (NHS) препорачува внесот на слободни шеќери да не надминува 30 грама дневно. Прекумерното консумирање шеќер е поврзано со зголемен ризик од дебелина, дијабетес тип 2, срцеви заболувања, а сега и поголем ризик од развој на орален карцином.

Магазин

Епски чекор за македонската народна музика-Влатко Миладиноски и оркестаорт на Златко Миладиноски со солистички концерт во СЦ „Борис Трајковски“

По една исклучително успешна година, одбележана со распродадени концерти во Македонската опера и балет, маѓепсана публика на Античкиот театар во Охрид и триумфална турнеја низ Австралија, Америка, Канада, Европа, Турција и македонската музичка сцена добива нов момент кој ќе се запише во историјата.

На 28 декември од 20:00 часот, за првпат еден македонски изведувач на народна музика ќе одржи солистички концерт во СЦ „Борис Трајковски“-легендарна арена резервирана за најголемите имиња и најимпозантните спектакли.

Тоj изведувач е Влатко Миладиноски, човекот чиј препознатлив глас со години ја носи македонската емоција низ времето, обединувајќи ја традицијата со современиот звук. Заедно со оркестарот на Златко Миладиноски, тој подготвува 3 часовно музичко патување што ќе ги допре сите генерации.

Концертот ветува продукција на највисоко ниво:

200 m² импресивна централна сцена,

врвна аудио техника,

преку 300 светлосни тела и ефекти

над 200 m² LED екрани што ќе создадат визуелна димензија доследна на најсовремените светски концерти.

Дополнително, голема чест ќе бидат специјалните гости, со што вечерта ќе добие уште поголема уметничка тежина и ексклузивност.

Настанот не е само концерт – туку визија за тоа македонската песна да добие сцена каква што заслужува, сцена која ја возвишува нашата традиција и ја преведува во модерно, спектакуларно музичко доживување.

Концертот е закажан на 28 декември, од 20:00 часот, билетите се во продажба преку продажната мрежа на www.kupikarta.com и продажната мрежа на kupikarta.com

Магазин

Вака изгледал првиот воз во Тетово (ФОТО)

Железничката станица во Тетово е пуштена во употреба на 25 мај 1952 година. На нејзината предна фасада стоеше спомен-плоча која објаснуваше дека станицата е изградена со доброволна работа на 52.000 жители од тетовскиот крај и со помош на припадниците на тогашна ЈНА. За изградбата биле дадени 996.832 работни часови, во вредност од тогашни 139.570.480 динари. Со реконструкцијата, спомен-плочата ја снема од фасадата и не се знае каде е.

Магазин

Голем пресврт во хороскопот – два знака добиваат силен финансиски подем

Астролозите најавуваат дека два хороскопски знака влегуваат во исклучително поволен период, во кој се очекува значителен финансиски прилив. Според нив, универзумот им испраќа можности што можат да донесат вистински бум на приходите во следните неколку недели.

Лав: период на профит и нови можности

За родените во знакот Лав се отвораат шанси што носат високи финансиски добивки – од профитабилни проекти и успешни инвестиции, до потенцијални ненадејни приходи, како што е наследство. Иако позитивната енергија носи силен импулс, астролозите предупредуваат дека импулсивното трошење може да биде ризично. Дел од приходите, велат, треба да се насочат кон долгорочни и стабилни инвестиции.

Стрелец: неочекуван прилив од повеќе извори

Стрелците во овој период може да очекуваат пари што ќе пристигнат од различни насоки: дополнителни работни ангажмани, патувања, соработки, лични проекти или дури и поволни случајности. Нивната природна отвореност и авантуристички дух, според астролозите, привлекуваат финансиска среќа. Сепак, советот е дел од добивката да се вложи во посигурни опции.

За двата знака следува период на олеснување и исполнување на желби. Финансиските приливи, покрај материјална добивка, се гледаат и како можност за остварување на одамна посакувани планови. Астролозите додаваат дека е важно среќата да се пречека со мудри одлуки, бидејќи стабилниот пристап е клучен за долготраен успех.