Од 12 основни и шест средни училишта во Тетово, само четири ги исполнуваат условите за заштита од пожар, покажал последниот инспекциски надзор спроведен во општината. Инспекцијата, која вклучувала и детски градинки и државни институции, открила сериозни недостатоци во противпожарната заштита, не само во образовните институции, туку и во други објекти како што се хотели и фабрики.

Според Бесарта Рамадани, портпаролка на општина Тетово, од сите проверени објекти само четири училишта ги исполнуваат сите услови за безбедност: основните училишта „Никола Штејн“ и „Беса“, детската градинка „Ринија“, како и „Мариф“ и „Ѓоче Стојчески“. Пожарната безбедност во Универзитетот во Тетово и Агенцијата за вработување, исто така, била загрижувачка.

Извршени се и инспекции во 20 хотели и угостителски објекти во Тетово, при што беше утврдено дека само еден хотел, „Меркур“, ги исполнува условите за работа, додека останатите не ги исполниле ниту минималните стандарди за противпожарна заштита. Инспекторатот најави казни за сите оние кои не ги исполнуваат законските норми и објави дека ќе има црвени линии за исполнување на овие критериуми, особено по трагедијата во Кочани.

Градоначалникот на Битола, Тони Коњановски, беше меѓу најгласните поддржувачи на фудбалскиот клуб Пелистер во големото македонско дерби против Вардар.

„Пелистер е гордост наша! Поддршка за уште една победа во дербито на Македонија против големиот ривал Вардар! Само еден тим! Само еден град! Само Пелистер! Само Битола!“, напиша Коњановски, истакнувајќи ја својата верност кон битолскиот клуб.

Дербито помеѓу Пелистер и Вардар отсекогаш било повеќе од обичен натпревар – тоа е судир на традицијата, гордоста и фудбалската историја. Со преполни трибини и атмосфера на вриење, Битола уште еднаш докажа дека живее за фудбалот.

Градежните активности во Општина Брвеница продолжуваат со полна пареа, а еден од најновите реализирани проекти е асфалтирањето на локалниот пат Центар – Лизец во село Челопек.

Градоначалникот на Општина Брвеница, Јовица Илиевски, информираше дека оваа реконструкција е дел од пошироката градежна офанзива за подобрување на патната инфраструктура во општината.

„Градежната офанзива за реконструкција и изградба на нови улици и тротоари продолжува. Ние ќе продолжиме да ја градиме нашата општина како модерно и урбано место за живеење“, порача Илиевски.

Општината најавува и нови проекти кои ќе овозможат подобра поврзаност и квалитет на живот за жителите, а тековните градежни зафати се дел од заложбите за развој на локалната заедница.