Американскиот претседател Доналд Трамп изјави дека е подготвен да воведе секундарни царини од 25 до 50 проценти на целата руска нафта, ако почувствува дека Москва ги попречува неговите напори за ставање крај на војната во Украина. Овие царини може да стапат на сила во рок од еден месец, доколку не дојде до прекин на огнот.

Во интервју за „Ен Би Си Њуз“, Трамп изрази незадоволство и гнев кога рускиот претседател Владимир Путин го критикувал кредибилитетот на украинскиот претседател Володимир Зеленски. Трамп истакна дека планира да разговара со Путин оваа недела.

Трамп, кој во текот на својата претседателска кампања за 2024 година постојано ветуваше дека ќе стави крај на, како што ја нарекува, “смешната војна” во Украина, беше силно фокусиран на ова прашање по неговото преземање на функцијата на 20 јануари. Тој повеќе пати побара нови избори во Украина и во еден момент го нарече Зеленски диктатор.

Во петокот, Путин предложи Украина да биде ставена под привремена администрација за да се овозможат нови избори и потпишување важни договори.

„Ако Русија и ние не можеме да постигнеме договор за прекин на крвопролевањето во Украина, и ако верувам дека Русија е виновна за тоа, ќе воведам секундарни царини за руската нафта“, изјави Трамп. „Тоа значи дека ако купувате нафта од Русија, нема да можете да работите во САД“, додаде тој.

Трамп напомена дека царините ќе стапат на сила во рок од еден месец доколку не се постигне договор за прекин на огнот. Тој исто така нагласи дека иако е лут на Путин, имаат добри односи и дека неговата лутината ќе се смири ако Путин ја направи „правилната работа“.

Врховниот лидер на талибанните, Хибатулах Ахундзада, изјави денес дека нема потреба од западни закони во Авганистан и дека демократијата е мртва се додека на сила се шеријатските закони.

Ахундзада ова го изјавил во проповед по повод исламскиот празник Рамазан Бајрам во џамијата Еидгах во јужниот град Кандахар, јавува АП.

Аудио запис од 50 минути со неговото обраќање беше објавен на платформата Икс од страна на портпаролот на талибанската влада, Забихула Муџахид.

„Нема потреба од закони кои потекнуваат од Запад. Ние ќе создадеме свои закони“, изјави Ахундзада на паштунски јазик, нагласувајќи ја важноста на исламските закони.

Ахундзада го критикувал Западот, веледејќи дека неверниците се обединиле против муслиманите и дека САД и други земји се здружени во своето непријателство кон исламот, наведувајќи го како пример конфликтот помеѓу Израел и ХАМАС во Газа.

Според талибанското толкување на шеријатот, авганистанските жени и девојки не можат да се образуваат, да работат во многу професии и да престојуваат во повеќето јавни простори.

Рускиот претседател Владимир Путин и неговиот американски колега Доналд Трамп мораат да дојдат до заклучок дека украинскиот претседател Володимир Зеленски треба да биде сменет, изјавил е поранешен советник во Пентагон, Даглас Мекрегор.

„Ако сте на местото на Трамп – во Белата куќа – или Путин – во Кремљ – треба да дојдете до неповратен заклучок дека оваа личност (Зеленски) треба да биде отстранета. Во спротивно, ништо нема да се случи“, изјавил тој.

Експертот исто така изразил уверување дека украинскиот претседател „ќе го изгори до темел остатокот од Украина и нејзиното население“. Тој дава непознати изјави кои немаат смисла, додал пензионираниот војник.

„Тоа не е во интерес на никого. На Русите им треба нешто друго, инаку ќе го воделе овој конфликт сосема поинаку. Ние не сакаме да се случи тоа“, заклучил Мекрегор.

Рускиот претседател Владимир Путин во четвртокот, за време на работна посета на Мурманската област, изјавил дека воведувањето привремена управа во Украина ќе овозможи демократски избори и формирање одржлива влада, со која потоа би можело да се преговара за мир и да се потпишат релевантни документи.

Портпаролот на Кремљ, Дмитриј Песков, соопштил дека лидерите на Русија и САД за време на телефонските разговори не разговарале за идејата за воведување надворешно управување во Украина.