Американскиот претседател Доналд Трамп денес им се обрати на инвеститорите, истакнувајќи дека, во услови на нестабилност на пазарите предизвикана од неговите нови царини кои ги воведе ширум светот, сега е идеално време за инвестирање во Соединетите Американски Држави.

„За сите инвеститори кои доаѓаат во САД и вложуваат големи суми пари – моите политики нема да се променат. Ова е одлично време за збогатување, повеќе од било кога досега!“, напиша Трамп на платформата Truth Social.

Неговата изјава следува во период кога глобалните пазари бележат пад поради ескалацијата на трговската војна помеѓу САД и Кина, а значителни загуби се регистрираат на клучните берзи во Лондон, Франкфурт и Њујорк.

Пред десет години, Далибор и Виолета Ѓорѓиевски ја напуштиле својата државна работа во Скопје и се преселиле во родното село на Виолета, Браилово, Општина Долнени, со една цел – да создадат свое земјоделско стопанство. Одлучиле да започнат од нула, со визија за стабилна и независна иднина преку земјоделска работа.

Денес, нивниот син Ивица (25) и неговата сопруга Валерија (22) се веќе втора генерација млади земјоделци кои со гордост го продолжуваат семејниот пат.

„Моите родители беа вработени во јавниот сектор, но платите доцнеа и немаа сигурност. Затоа решивме да се вратиме на земјата, да работиме свое и да си градиме иднина со сопствени раце“, раскажува Ивица за Agrotim.mk

Тутунот – главен двигател на успехот

Поради недостиг на сопствена земја, фамилијата Ѓорѓиевски изнајмувале од 3 до 5 хектари за производство на тутун. Во последните години ја зголемиле површината за тутун и ангажираат и сезонски работници. Минатата година произвеле дури 12 тони висококвалитетен тутун, со влажност од 15%, што според Ивица е резултат на континуирани вложувања во скелиња, најлони и други репроматеријали.

„Задоволни сме од производството – се исплати. Има добра цена и субвенции, но за да се добие квалитет, мора да се вложи. Целта ни е секогаш врвен квалитет, кој треба и да биде соодветно платен“, вели Ивица за Agrotim.mk

На само 25 години, Ивица и 22-годишната Валерија целосно му се посветиле на земјоделството. За нив, животот во село нуди повеќе можности отколку работата во фабрика или заминувањето во странство.

Иднината е во село

Фамилијата Ѓорѓиевски нема дилеми околу својата иднина. Селото Браилово, кое е на само 18 километри од Прилеп, им нуди сѐ што им е потребно – добра инфраструктура, вода, продавници и мирен живот.

Во новата сезона веќе имаат подготвен расад и планираат да ги зголемат обработливите површини. За да го зголемат квалитетот и рентабилноста на производството, неодамна со сопствени средства купиле нов трактор.

Со вакви млади семејства, кои со љубов, визија и труд го градат својот пат, македонското земјоделство би имало силна надеж и светла иднина.

Целата инспиративна приказна на семејството Ѓорѓиевски може да ја прочитате на Agrotim.mk.

По две години надвор од употреба, локомотивата 661-236 е успешно вратена во функција и повторно е дел од товарниот железнички сообраќај. Оваа реконструкција претставува значаен чекор во одржувањето на возниот парк, обезбедувајќи поголема ефикасност во транспортот.

Железничките работници и ентузијастите ја поздравија веста, со надеж дека локомотивата ќе продолжи да служи долго и сигурно.