Магазин

Ова е најштетната храна за бебиња, никако не им ја давајте на вашите најмили

Бебињата не треба многу калории, но мора да добијат хранливи состојки. Некои намирници што често им се даваат на најмалите, всушност, се нездрави и содржат многу калории, шеќер или сол, а малку хранливи материи.

Поради малите стомачиња, висококалоричната храна брзо ги исполнува, оставајќи малку простор за здравата храна. Ова може да го попречи нивниот развој, па е важно да се одберат намирници кои ќе го поддржат растот, а да се избегнуваат потенцијално опасни храни.

Преработена храна

Преработената храна, која има многу додадени состојки, губи хранлива вредност и содржи повеќе шеќер, сол и маснотии. За бебињата, најдобро е да се даваат оброци специјално подготвени за нив, со неколку состојки и без додадени шеќери или сол.

Чоколадо

Чоколадото не е препорачливо за бебињата, бидејќи нивниот дигестивен систем не е прилагоден за сложените состојки како какао и шеќер, што може да предизвика нарушувања во варењето, надуеност и осип. Поместо чоколадо, овошните кашички се поздрави избор.

Помфрит

Помфритот е популарен меѓу бебињата, но тој е полн со масти, шеќер и сол, а содржи малку здрави состојки. Се препорачува намалување на брзата храна и избор на поздрави опции, како јогурт или овошни каши.

Газираните напитоци

Газираните сокови немаат хранлива вредност и зафаќаат простор во стомакот, што може да ги лиши бебињата од важни хранливи материи. Тие содржат многу шеќер, што може да доведе до расипување на забите и други здравствени проблеми.

Сокови

Иако соковите содржат овошје, процесот на цедење ги отстранува влакната, оставувајќи само шеќер. За бебињата, не се препорачуваат сокови пред 12-месечна возраст. Американската академија за педијатрија советува мајчино млеко или прилагодено млеко како главен извор на течности до 6 месечна возраст, а по тоа време малку вода.

Магазин

Епски чекор за македонската народна музика-Влатко Миладиноски и оркестаорт на Златко Миладиноски со солистички концерт во СЦ „Борис Трајковски“

По една исклучително успешна година, одбележана со распродадени концерти во Македонската опера и балет, маѓепсана публика на Античкиот театар во Охрид и триумфална турнеја низ Австралија, Америка, Канада, Европа, Турција и македонската музичка сцена добива нов момент кој ќе се запише во историјата.

На 28 декември од 20:00 часот, за првпат еден македонски изведувач на народна музика ќе одржи солистички концерт во СЦ „Борис Трајковски“-легендарна арена резервирана за најголемите имиња и најимпозантните спектакли.

Тоj изведувач е Влатко Миладиноски, човекот чиј препознатлив глас со години ја носи македонската емоција низ времето, обединувајќи ја традицијата со современиот звук. Заедно со оркестарот на Златко Миладиноски, тој подготвува 3 часовно музичко патување што ќе ги допре сите генерации.

Концертот ветува продукција на највисоко ниво:

200 m² импресивна централна сцена,

врвна аудио техника,

преку 300 светлосни тела и ефекти

над 200 m² LED екрани што ќе создадат визуелна димензија доследна на најсовремените светски концерти.

Дополнително, голема чест ќе бидат специјалните гости, со што вечерта ќе добие уште поголема уметничка тежина и ексклузивност.

Настанот не е само концерт – туку визија за тоа македонската песна да добие сцена каква што заслужува, сцена која ја возвишува нашата традиција и ја преведува во модерно, спектакуларно музичко доживување.

Концертот е закажан на 28 декември, од 20:00 часот, билетите се во продажба преку продажната мрежа на www.kupikarta.com и продажната мрежа на kupikarta.com

Магазин

Вака изгледал првиот воз во Тетово (ФОТО)

Железничката станица во Тетово е пуштена во употреба на 25 мај 1952 година. На нејзината предна фасада стоеше спомен-плоча која објаснуваше дека станицата е изградена со доброволна работа на 52.000 жители од тетовскиот крај и со помош на припадниците на тогашна ЈНА. За изградбата биле дадени 996.832 работни часови, во вредност од тогашни 139.570.480 динари. Со реконструкцијата, спомен-плочата ја снема од фасадата и не се знае каде е.

Магазин

Голем пресврт во хороскопот – два знака добиваат силен финансиски подем

Астролозите најавуваат дека два хороскопски знака влегуваат во исклучително поволен период, во кој се очекува значителен финансиски прилив. Според нив, универзумот им испраќа можности што можат да донесат вистински бум на приходите во следните неколку недели.

Лав: период на профит и нови можности

За родените во знакот Лав се отвораат шанси што носат високи финансиски добивки – од профитабилни проекти и успешни инвестиции, до потенцијални ненадејни приходи, како што е наследство. Иако позитивната енергија носи силен импулс, астролозите предупредуваат дека импулсивното трошење може да биде ризично. Дел од приходите, велат, треба да се насочат кон долгорочни и стабилни инвестиции.

Стрелец: неочекуван прилив од повеќе извори

Стрелците во овој период може да очекуваат пари што ќе пристигнат од различни насоки: дополнителни работни ангажмани, патувања, соработки, лични проекти или дури и поволни случајности. Нивната природна отвореност и авантуристички дух, според астролозите, привлекуваат финансиска среќа. Сепак, советот е дел од добивката да се вложи во посигурни опции.

За двата знака следува период на олеснување и исполнување на желби. Финансиските приливи, покрај материјална добивка, се гледаат и како можност за остварување на одамна посакувани планови. Астролозите додаваат дека е важно среќата да се пречека со мудри одлуки, бидејќи стабилниот пристап е клучен за долготраен успех.