Турчин уапсен на скопскиот Аеродром бидејќи се барал со Интерпол. 

– На 02.04.2025 во 19.10 часот на Граничниот премин Меѓународен аеродром-Скопје, на влез во државата, полициски службеници го лишиле од слобода А.Б.О. (67) од Турција, поради тоа што при пасошка контрола и проверки во оперативна евиденција било констатирано дека лицето евидирало со мерка „апси“ по барање на Интерпол, информираа од полицијата. 

Тој бил предаден на полициски службеници во Полициското одделение Петровец за понатамошна постапка. 

Еден полицаец е повреден откако во него удил струмичанец со автомобил кој не застанал на даден знак за легитимирање.

Според информациите на МВР, полицијата поднесе кривична пријава против З.П. (37) од Струмица, поради постоење основи за сторено кривично дело „напад врз службено лице при вршење работи на безбедноста“.

На 27 февруари во Струмица,  пријавениот со автомобил „мерцедес“ наместо да застане на даден знак на полициски службеници заради легитимирање и контрола, директно се упатил кон нив со возилото, при што удрил еден од полициските службеници, нанесувајќи му повреда.

50-годишен жител на Скопје е уапсен вчера попладне во населбата Карпош, откако по недоразбирање во сообраќајот, бил агресивен кон 12 години помлада жена и ѝ се заканувал, соопшти МВР.

„На 02.04.2025 во 16:05 часот во Скопје, на подрачјето на Карпош, полициски службеници од СВР Скопје го лишиле од слобода Н.Е.(50) од Скопје по претходна пријава дека околу 13.50 часот на подрачјето на Карпош, по претходно недоразбирање во сообраќајот, агресивно се однесувал кон Л.Ф.(38) од Скопје и и упатувал закани, а исто така и го оштетил и возилото. По целосно документирање на случајот ќе следува соодветна пријава“, велат од МВР.