На 02.04.2025 во 14.05 часот во с.Голема Речица, на полициските службеници од ПС Тетово, А.З.(49) од с.Голема Речица, им пријавил дека неговите роднини кои му се и соседи Н.З. и С.З.,агресивно се однесувале кон него и ги оштетиле столбовите од оградата помеѓу нивните имоти. Се преземаат мерки за расчистување на случајот.

Марк Самсон, осомничен за убиство на младата Албанка Иларија Суле во Италија, применил серија тактики со цел да го прикрие ужасното злосторство кое го извршил.

По убиството, тој прво отишол кај своите цимери и побарал информации за исчезнатата 22-годишна девојка. Тој исто така го тешел нејзиниот татко, нудејќи му утеха за злосторството кое самиот го извршил.

На сите пријатели им одговарал на пораките, тврдејќи дека се обидува да ги разбере и открие „што ѝ се случило на неговата девојка“ и дека наскоро ќе им даде новости.

Меѓутоа, тоа биле лаги со кои се обидувал да го прикрие делото и да ја одведе истрагата во погрешен правец.

По убиството на Иларија, го користел нејзиниот телефон и праќал пораки на нејзините пријатели, правејќи се дека е таа. Дури објавил и стори на Инстаграм во нејзино име, пишувајќи дека е добро и дека не е исчезната.

Во нејзино име, на цимерите им пратил порака дека „заминала на пат во Неапол“, а на родителите им пишала дека мора да „учи и дека ќе се врати следниот месец“.

Она што сите го забележале, на основа на пораките, е дека тоа не била таа која пишувала. Во меѓувреме, полицијата веќе го следела телефонскиот сигнал на Марк и го прислушкувала. На крајот, успеале да го лоцираат и телефонскиот сигнал на Иларија, а сите докази укажувале дека телефонот се наоѓал во станот на Марк. Тоа го открило.

Што точно се случило и кој е мотивот за ова свирепо убиство, сè уште не е познато. Самсон, кој бил испрашуван од јавниот обвинител, не сакал да зборува за наводните настани и се бранел со молчење.

Она што е познато до сега е дека на 25. март, Иларија, студентка од Албанија која студирала во Рим, излегла од куќата во тренерка. Не носела ништо со себе, што било знак дека планира да се врати наскоро дома. Наместо да се врати, заминала кај Марк.

Кривична пријава за полициски службеници за малтретирање во вршење на службата и нарушување на неповредливоста на домот.

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција, Одделение за истражување и гонење на кривични дела сторени од лица со полициски овластувања и припадници на затворската полиција, против М.Т., С.Р., и Ф.Ѓ., полициски службеници од ПСОН Аеродром при СВР Скопје, поднесе кривична пријава за кривично дело „малтретирање во вршење на службата“ по член 143 од КЗ и кривично дело „нарушување на неповредливоста на домот“ по член 145 ст.2 од КЗ.

Првопријавениот М.Т. и второпријавениот С.Р. на 24.02.2025 пред влезната врата од станот сопственост на лице од Скопје, го известиле дека се дојдени да извршат службен разговор во врска со поднесена поплака од неговата сопруга, но тој не им дозволил да влезат, бидејќи немале налог од суд за влез во неговиот дом.

Потоа М.Т. неовластено влегол во домот и насилно почнал да го влече оштетениот, го удирал по ногата и се обидел да го лиши од слобода, при што дејствијата ги преземал пред малолетниот син на оштетениот. Со тоа М.Т. сторил две кривични дела односно кривично дело „малтретирање во вршење на службата“ по член 143 од КЗ и кривично дело „нарушување на неповредливоста на домот“ по член 145 ст.2 од КЗ, додека второпријавениот С.Р. заедно со третопријавениот Ф.Ѓ. сториле кривично дело „нарушување на неповредливоста на домот“ по член 145 ст.2 од КЗ.

Одделот за внатрешна контрола, криминалистички истраги и професионални стандарди против полициските службеници М.Т., С.Р. и Ф.Ѓ. поднесе и предлог за поведување на постапка за утврдување на одговорност за кршење на работната дисциплина и отстранување од работно место-суспензија до завршување на дисциплинската постапка.