На 04.04.2025 во 23.15 часот на автопатот А1, на бензинска пумпа во близина на Неготино, полициски службеници од Полициската станица за граничен надзор Михајлово го лишиле од слобода М.Д.(26) од Неготино.

Имено, тој украл патничко возило „ауди“ со битолски регистарски ознаки, сопственост на С.Д.(38) од Неготино, кое според пријавеното било паркирано во двор на чичко на пријавителот во Неготино, и потоа со возилото на автопатот, во правец кон Велес, скршил рампа на наплатна станица „Виничани“, а по кратко време повторно скршил рампа на наплатната станица „Виничани“, но во правец кон Неготино.

Преземени се мерки од страна на полициски службеници, по што М.Д. бил принуден да го запре возилото. Од извршените проверки било констатирано и дека го управувал возилото пред да се стекне со право на управување и со 1.54 промили алкохол во крвта.

Тој бил задржан во полициска станица, известен бил јавен обвинител и по документирање на настаните против него ќе бидат поднесени соодветни поднесоци за сторените прекршоци и кривични дела по член 297 А и 383 став 1 од КЗ.

Во ноќта меѓу 4 и 5 април 2025 година, во периодот од 23 до 02 часот, на подрачјето на СВР Тетово беше спроведена засилена акциска контрола во три угостителски објекти. Акцијата беше реализирана од полициски службеници од СВР Тетово во координација со Државниот пазарен инспекторат, Државниот инспекторат за труд и Дирекцијата за заштита и спасување.

При контролата, во еден од објектите беше приведен Р.Е. (32) од Тетово, кај кого при преглед бил пронајден и одземен кокаин. Дополнително, во сите три објекти биле затекнати и приведени уште четири лица: Е.И. (32) од Боговиње, А.Ј. (55) од Тетово, Ш.Л. (27) од село Порој и Е.А. (35) од село Мала Речица, кај кои биле пронајдени остри предмети.

Лицата се задржани во полициска станица, а по целосно документирање на случаите против нив ќе бидат поднесени соодветни поднесоци по член 215 од Кривичниот законик и член 80 од Законот за оружје.

Од страна на останатите надлежни инспекторати беа евидентирани повеќе неправилности, поради што на два од угостителските објекти ќе им бидат издадени решенија за затворање од страна на Државниот пазарен инспекторат.

Акцијата е дел од континуираните напори за зголемување на јавната безбедност и контрола во угостителските објекти низ регионот.

На 04.04.2025 во 23.15 часот на автопатот А1, на бензинска пумпа во близина на Неготино, полициски службеници од Полициската станица за граничен надзор Михајлово го лишиле од слобода М.Д.(26) од Неготино. Имено, тој украл патничко возило „ауди“ со битолски регистарски ознаки, сопственост на С.Д.(38) од Неготино, кое според пријавеното било паркирано во двор на чичко на пријавителот во Неготино, и потоа со возилото на автопатот, во правец кон Велес, скршил рампа на наплатна станица „Виничани“, а по кратко време повторно скршил рампа на наплатната станица „Виничани“, но во правец кон Неготино.

Преземени се мерки од страна на полициски службеници, по што М.Д. бил принуден да го запре возилото. Од извршените проверки било констатирано и дека го управувал возилото пред да се стекне со право на управување и со 1.54 промили алкохол во крвта.

Тој бил задржан во полициска станица, известен бил јавен обвинител и по документирање на настаните против него ќе бидат поднесени соодветни поднесоци за сторените прекршоци и кривични дела по член 297 А и 383 став 1 од КЗ.